TEV-ÇAND û Kevana Zêrîn do 5ê teşrîna peyêne de semedê azadîya Rayberê Şarê Kurdî Abdullah Ocalanî Koln de aktîvîteya pîle bikerê. Çalaki do mabênê saetanê 13.00 û 17.00 de verê Dêrê Kolnî de bêro kerdene. 

Hozan Şemdînê ke ANFyî rê qala aktîvîte kerde nê vatî: "Ma do sey hunermend û muzîsyenan pîya bi enstrumananê xo ûca bê. Ma do kincanê netewîyan bikerê piray. Resamê ma zî do tabloyanê xo ramojnê. Ma veng danê heme şarê xo ke tewrê aktîvîte bibo."

TEV-ÇAND û Kevana Zêrîn zî eşkerayîya xo de vat ê paştî danê hemleya  "Abdullah Ocalanî rê azadîye, meseleya kurdan rê çareserîya sîyasîye " û vat ê zî semedê azadîya Abdullah Ocalanî Kampanyaya Huner û Kulturî danê destpêkerdene.

Eşkerayîye de ame vîrvîstene ke edebiyat, tarîx, muzîk û resimê kurdan hetê dewleta tirke ra yenê înkarkerdene û ame vatene ke no  qirkerdişo kulturkî yo ke ê qebul nêkenê û tim vera ci têkoşîn kenê. 

Eşkerayîya hempare ya TEV-ÇAND û Kevana Zêrîn de  wina ame vatene: "Ma sey hunermendanê kurdan tecrîdê serê Rayber Apoyî qebul nêkenê. Seba ke tecrîd bêro wedaritene û Rayber Apo bireso azadîya xo ya fîzîkîye ma do bi hunerê xo tewrê çalakîyan bibê."