Nobeta Azadîye ya Strasbourgî ya seba Rayber Apoyî 25ê hezîrana 2012î ra nata verê Konseya Ewropa de dewam kena. Çalakîya Nobeta Azadîya Seba Rayber Apoyî hewteyê 666inî de hetê koma Marsilya ra ameye dewrgirewtene.

Kome de Hunermend Seydo Gimgim, Sefa Tahtaci û Firat Coşan cagênê.

Nameyê kome ser o hunermend Seydo Gimgimî qisey kerd û Newroza Rayber Apoyî, gerîlayan û şehîdan fîraz kerde. Gimgimî dîyar kerd ke sey îdareyê Merkezê Komelê Demokratîkî yê Marsilya ê nobete de yê.

Gimgimî vat: ‘’Heta ke Rayber Apo azad bibo ma do çalakîya xo rê dewam bikerê.’’

Gimgimî îfade kerd ke Rayber Apoyî prosesêko newe dayo destpêkerdene û vat: ‘’Ma paştî danê vengdayîşê Rayber apoyî. No proses prosesê azadkerdişê Rayber Apoyî yo. Coka sey şarê kurdî ma Rayber Apoyî wanenê û fam kenê.’’