Kombîyayîşê Davosî yo ke her serre şaristanê Davosî yê Swîsre de yeno kerdene emser zî mabênê 21-24yê çeleyî de reya 50. do bêro kerdene. 117 welatan ra 3 hezar sîyasetmedarî, karsazî, akademîsyenî û temsîlkarê dezgehanê komelan do tewrê forumî bibê. Serek û serekwezîrê 50 welatan zî do tewrê kombîyayîşî bibê.

Nêzdîyê 400 pêvînayîşî do bêrê kerdene. Ywno pawitene ke kombîyayîşan de krîzê mabênê DYA û Îranî alozîya Lîbya û krîzê Rojhelatê Mîyanênî do bibê rojdem.

WEFî pare kerd ke vurîyayîşê îklîmî zî rojdemê înan ra yew o la beşêko pîl xo amade keno ke WEF protesto bikero. Roja yewşemeyî şaristanê Landquartî yê Swîsre ra ver bi Davosî rayraşîyayîşê 3 rojan ame destpêkerdene. Bi hezaran çalakîkerî 3 rojan ra dima do biresê Davos. Ame parekerdene ke çalakîkerî 21ê çeleyî de zaf merkezanê Swîsre de vera WEFî çalakîyan bikerê.