Konferansê Mîyanneteweyî yê Yewîya Ewropa, Rojhelatê Mîyanênî, Tirkîya û Kurdan ê 19inî Parlamentoyê Ewropa de dest pêkerd ke hetê Komîsyonê Hemwelatîyan ê Tirkîya yê Ewropa (EUTCC) ra yeno kerdene û di rojî do dewam bikero.

Hêverî serekê EUTCCyî Kariane Westrheim qisey kerd û bale ante vengdayîşê ‘Haştîye û Komelê Demokratîkî’ yê Rayber Apoyî ser. Westrheimî vat: ‘’Ma hêvî kenê ke no vengdayîş îmkan bido ke Tirkîya biba demokratîk.’’

Partîya Sosyalîste ya Ewropa ra û Endamê Koma Dostanîya Bi Kurdan Andreas Schiederî vat: ‘’Têkoşînê kurdan têkoşînê azadîye û demokrasîyî yo.’’

Wayîra Xelata Haştîye ya Nobelî Jodye Willams vat: ‘’Ma wexto ke seba kurdan haştîye waşte ma dî ke meseleya kurdan seba xeylê kesan newe ya. Tirkîya zî cewab nêda vengdayîşê ma.’’

Wayîra Nobela Haştîye Şirîne Ebadî vat: ‘’Birêz Ocalanî rixmê şertanê tecrîdî zî seba haştîye û demokrasîyî veng da. Pêşnîyazê Ocalanî rasyonel ê.’’

Roniştişê diyînî yê konferansî de Hemsereka Dayîreyê Têkilîyanê Teberî yê Îdareyê Xoserî Îlhame Ehmed pare kerd ke ganî seba çareserîya meseleyan Birêz Ocalan bieşko rolê xo bîyaro ca.

Partîya Çepe ya Spanya ra Pernonda Barrenayî îfade kerd ke kurdî qetî têkoşînê xo de tena nîyê û ganî cade Rayber Apo vera bidîyo.

Sekreterê EUTCCyî Prof. Micheal Gunterî vat ke Erdogan û Trump manenê pê û Trump do waştişanê Erdoganî bikero.

Partîya Keskan a Îtalya ra û Endamê PE Leoluca Orlandoyî vat ke nêno qebulkerdene ke dewleta tirke verê azadîya fikran de hûrmetkar nîya.

Partîya Keskan a Slovenya ra û Endamê PE Vladimir Prebilicî vat ke dewleta tirke şaredarîyê kurdan xesp kerdî û peynîya rejîmê Erdoganî ameya.

Rojnameger Alî Duran Topuzî vat ke proseso ke bi vengdayîşê Rayber Apoyî dest pêkerdo hêvî dano.