Paytextê Îtalya Roma de ‘’Konferansê Abdullah Ocalanî rê Azadîye, Meseleya Kurdan rê Çareserîye’’ dewam keno. 16 welatan ra 300 kesî beşdarê konferansî benê.

Vizêr konferans de panelê ‘’Vengdayîşê Rayber Apoyî û Haştîye’’ ame kerdene.

Panel de hêverî endama TJK-E Zîlane Dîyar qisey kerd û ard ziwan ke çarçewa Hemleya Abdullah Ocalanî rê Azadîye, Meseleya Kurdan rê Çareserîye de çalakîyî do dewam bikerê.

Sekreterê Partîya Sinistra yê Îtalya û Wekîl Nicola Fratoianniyî pare kerd ke ganî ê Îdreyê Xoserî yê Rojawanî bipawê û modelê Rojawanî îlham dano dinya.

Têgêrayîşê Insoumise yê Fransa ra Emmanuel Fernandesî îfade kerd ke fikrê Rayber Apoyî seba pêro dinya girîng ê û ganî komelo mîyanneteweyî babeta Zîndanê Îmraliyî de hesas bibo.

Wekîla BASKî Diana Urrea Herrera da zanayene ke vengdayîşê Rayber Apoyî seba haştîye zaf girîng a û ganî Rayber Apo azad bibo ke înîsîyatîfê haştîye tem bigêro.

Çepgîranê Ewropa ra Maurizio Acerboyî dîyar kerd ke têkoşînê azadîya Rayber Apoyî û çareserîya meseleya kurdan pêro dinya eleqedar kenê coka no konferans zaf girîng o. Acerboyî vat: ‘’Hinî wextê ci ameyo; ganî Ocalan azad bibo.’’

Sendîkaya Dundee ya Skoçya ra Mike Arnottî veng da ke seba çareserîya meseleya kurdan wa têkoşîn bêro pîlkerdene.

Hemserekê DBPyî Keskîn Bayindirî ard ziwan ke serkewtişê hemle hêvîya haştîye afernaya. Bayindirî vat: ‘’Seba çareserîya meseleya kurdan ganî dewleta tirke game bierza û hêzê mîyanneteweyîyî paştî bidê xîretê haştîye yê Ocalanî.’’