Dîwanê Hemserekîya KONGRA-GELî bi eşkerayîyêke Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' selam kerde 

Eşkerayîye de ame vîsvistene ke Rayberê Şarê Kurdî Abdullah Ocalanî bi paradîgmaya xo ya demokratîke vera sîstemê modernîteya kapîtalîste sere wedarnayo û pêro cinî, ciwan û şaran bîyo hêvîya azadîye.

KONGRA-GELî vat: ''Ganî ma her ca de Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' bi awankerdişê komelkî geş bikerê û bi nê hawayî cewab bidê Komployê Mîyanneteweyîyî. Serrgêra 25. ya Komployê 9ê Teşrîna Verêne de hemleyêka winayêne zaf manadar û ercîyaye ya. Ma pêro beşdaranê na hmele zerrî û canî ra selam û fîraz kenê.

Ma venga şarê xo danê ke seba tacîdarkerdişê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ma awankerdişê sîstemê Konfederalîzmê Demokratîkî bi ruhê seferberî têbigêrê. Ma pê bawer ê ke resayê a aste. Bi eşq û kelecanê azadîya Rayber Apoyî ma do ser bikewê. Serkewtiş do bibo ê şarê ma, dost û hemrayanê ma.''