Mehkemeya Heqanê Merdiman a Ewropa (MHME) derheqê Rayberê Şarê Krudî Abdullah Ocalanî de  18ê adara 2014î de qerarê binpaykerdişê heqê hêvî girewt. Dima ra derheqê tepitşteyan Hayati Kaytan, Emin Gurban û Civan Boltanî de zî qeraro winayên ame girewtene.  rixmo ke des serrî ravîyartî Tirkîya badê nê qerarî gamêke nêeşt.

Buroyê Huqûqî yê Asrinî seba ke qerarê MHME bêro caardene 9ê tebaxa 2022yî de muracatê Komîteya Wezîran kerd. Komîteya Wezîran a Konseya Ewropa mabênê 17-19ê êlule de badê hîrê serran binpaykerdişê qeraranê MHME reyna girewt rojdemê xo. 

Komîte seba ke dewleta tirke  heqê hêvî nêard ca  no sey binpaykerdişê heqî name kerd û veng da Tirkîya ke wa na babete game bierzo. Komîte semedê wedaritişê binpaykerdişê heqî serrêke wext da Tirkîya.