Derheqê sûcanê vera cerganê DAÎŞî yê serê êzidîyan de Swêd de tehqîqat dîya destpêkerdene. Tehqîqat de cinîyêke bi 'qirkerdişî' ameye sûcdarkerdene.

Cinîya swêdije seba ke destûr dayo ke lajê ci yo 12 serre hetê DAÎŞî ra sey leşkerî bêro şuxilnayene 2022 de hetê mehkemeya Swêdî ra cezaya zîndanî ya 6 serran dîyabî ci.Ajansanê AP û Reutersî pare kerd ke nameyê cinîye Laina Ishaq a.

Dozger Reena Devgunî AFPyî rê pare kerd ke goreyê şahîdan na cinîye Reqa de cinî û domanê êzidîyî kerdê koleyê xo û DAÎŞî reyde sûcê şerî kerdê. Dozgerî dîyar kerd ke cinîya swêdike Reqa de 3 cinî û 6 domanê êzidîyî sey 'koleyî' hêrînayê. Dozgerî vat ke derheqê sûcê cinîye de delîlê qîöî est ê.

Cinîya swêdîje sûcanê xo ra bi cezaya muebede yena muhakemekerdene û roniştişê ci yo verên 7ê teşrîna verêne de yo.

Goreyê agahîyanê servîsanê îstîxbaratî nêzdîyê 300 swêdijî mabênê serranê 2013-2014î de Sûrîye û Iraq de tewrê refanê DAÎŞî bîyê.