Kurdê NRW de xo seba çalakîya roniştişî amade kenê
Seba azadîya Rayberê Şarê Kurdî Abdullah Ocalanî şaristanê Dusseldorfî yê Almanya de 6 rojan çalakîya roniştişî do bêra kerdene. Hunermendê TEV-ÇANDî zî nê çalakîyan de vejîyê sehne ser.
Seba azadîya Rayberê Şarê Kurdî Abdullah Ocalanî şaristanê Dusseldorfî yê Almanya de 6 rojan çalakîya roniştişî do bêra kerdene. Hunermendê TEV-ÇANDî zî nê çalakîyan de vejîyê sehne ser.
Çarçewa Hemleya 'Wext wextê azadîye yo' de eyaletê NRWyî yê Almanya de çalakîyî dewam kenê.
No hewte zî rayberîya FED-MEDî de paytextê eyaletê NRWyî Dusseldorf de 6 rojan çalakîya roniştişî do bêra kerdene. Çalakîye 22ê sibate de verê parlamento de dest pêbikera û 27ê sibate de biqeda. Çalakîye de her roje sîyasetmedarê kurdî sîstemê tecrîdî yê Îmraliyî, Komployê Mîyanneteweyî û fikranê Rayberê Şarê Kurdî biercnê. Hunermendê TEV-ÇANDî zî do tewrê çalakîye bibê.
FED-MEDî derheqê çalakîye de eşkerayîyêke daye û vat: ''Seba azadîya Rayberê Şarê Kurdî ma xîret bikerê ke pêro federasyonî bi xurtî tewrê çalakîye binê. Ma pê na çalakîye Hemleya 'Wext Wextê Azadîye yo' xurtêr bikerê.''
FED-MEDî venga pêro kurdîstanijan da ke tewrê çalakîye bibê.
Bernameyê çalakîyan wina yo:
22ê sibate roja dişemeyî
Qiseykerdoxî: Engîn Sever, Nursele Aydogan
Hunermendî: Seyîtxan, Cewad Merwanî
Ca: Verê Parlamento
23ê sibate roja şemeyî
Qiseykerdoxe: Besîme Konca
Hunermendî: Denîz Deman, Alî Îkîzer, Diyar Dersim, Hozan Şemdîn, Serhat Med
Ca: Corneliusplatz
24ê sibate roja çarşemeyî
Qiseykerdox: Lezgîn Botan
Hunermendî: Bengîn Agirî, Hozan Navdar, Selhat Gimgim
Ca: Friedrich-Ebert-Straße 34-38 (DGB Haus)
25ê sibate roja pancşemeyî
Qiseykerdoxe: Tugba Hezer
Hozan: Xelîl Xemgîn, Memo Yapiştiran, Narînxan
Ca: Stromstraße 24 (Verê kanalê WDR)
26ê sibate roja îneyî
Qiseykerdoxe: Yildize Fîlîmcî
Hunermendî: Memo Gul, Hozan Kawa, Zahîr Loran
Ca: Wasserstraße 5 ( CDU)
27ê sibate roja şemeyî
Ca: Verê Parlamento, saete 12-15.00 çalakîya roniştişî
Saete 15.00-17.00 nawnayîş