Kurdan xeylêk şaristananê Ewropa de seba ke wayîrê Şingalî vejîyê çalakîyî kerdî û vera gef û hêrişanê serê Şingalî nêrazîbîyayîşê xo mojnayî

Paytextê Belçika Bruksel de verê bînaya Neteweyan ê Yewbîyayeyan (NY) de çalakîya şermezarkerdişî ameye kerdene. Kurdîstanijan çalakîye de vera gefan nêrazîbîyayîşê xo mojna.

Paytextê Almanya Berlin de Têgêrayîşê Ciwanan ê Şorişgêran û TÊKO-JIN çarçewa Hemleya 'Wext wextê pawitişê xoserîya Şingalî yo' de çalakîyêke kerde. Qiseykerdişan de ame vatene ke Şingal têna nîyo.

Bajarê Stuttgartî yê Almanya de ciwanan pê pankarta 'Biciwîyo xoverdayîşê Şingalî' û fotografanê Rayberê Şarê Kurdî Abdullah Ocalanî çalakîyêka rayraşîyayîşî kerde.  

Bajarê Bielî yê Swîsre de kurdîstanijan pê alayanê PKK, YPG, YPJyî û pê pankarta 'Wext wextê pawitişê xoserîya Şingalî yo' çalakîyêke kerde. Çalakîye de peymana îşxalî ya dewleta tirke û Iraqî ameye şermezarkerdene.

Bajarê Solothurnî yê Swîsre de kurdan verê îstasyonê trenî de çalakîyêke kerde û xîretê îşxalî yê vera Şingalî protesto kerd.

 

Bajarênê Lozan û Zurihî yê Swîsre de zî bi heman armancî çalakîyê protestoyî ameyî kerdene.

Bajarê Den Haagî yê Hollanda de rayberîya DEM-NEDî de kurdan verê Sersefîrîya Iraqî de çalakîyêke kerde. Qiseykerdoxan da zanayene ke Iraqî bi zelalî Şingalî rê gef wendo.