Le Mouvement de la Paix: Ganî Abdullah Ocalan bêşert vera bidîyo
Le Mouvement de la Paix pare kerd ke Rayberê Şarê Kurdî ganî cade bêro veradayene û îfade kerd ke Fransa û Yewîya Ewropa wa PKK lîsteya terorî ra vejê.
Le Mouvement de la Paix derheqê Kampanyaya 'Ocalanî rê Azadîye' de de eşkerayîyêke daye.
Eşkerayîye de Yewîya Ewropa û NATOyî ra ame waştene ke wa paştî nêdê dewleta tirke û PKK lîsteya terorî ra vejê. Eşkerayîye de wina ame vatene: ''Wa Abdullah Ocalan û tepişteyê sîyasî bêşert û mercan bêrê veradayene.
Eşkerayîye de ame vîrvistene ke Rayberê Şarê Kurdî Abdullah Ocalan 22 serrî yo tepişte yo. Le Mouvement de la Paixî ard ziwan ke sîyasetmedar û endamê partîya kurdan HDPyî zî maruzê hema teda û zulmî manenê. Le Mouvement de la Paixî pare kerd ke PKK 40 serrî yo seba azadî û heqanê kurdan têkoşînêko meşrû keno.
Peynîya eşkerayîye de ame waştene ke wa Yewîya Ewropa, welatê NATOyî paştî nêdê hukmatê Erdoganî yê Tirkîya, seba azadîya Rayberê Şarê Kurdî Abdullah Ocalanî têbigêrê û PKK lîsteya terorî ra vejê.
