Merasîmê yadkerdişî Merkezê Komelê Demokratîkî yê Kurdan ê Limburgî de ame kerdene û zaf şaristananê Almanya ra kurdî beşdarê ci bîyî. Merasîm şexsê Omer Cagerî de seba yadkerdişê pêro şêhîdanê Kurdîstanî bi deqayêkê rêzgirewtişî dest pêkerd.

Nameyê Dezgehê Keyeyanê Şehîdan û Vîndîyan (KOMAW) M. Emîn Yildizî qisey kerd û vat: "Embaz Xoce cuya têkoşînê xo ya 35 serra de deqayêk zî seba keyeyê xo xerc nêkerd, seba şarê ma kerd. Ma ganî wayîrê şehîdanê xo bivejîyê.''

Dima cuynameyê Omer Çagerî ame wendene. Kênaya Omer Çagerî Munîse Çager qisey kerd û wina vat: "Ma mînetdarê ey ê ka mîrasê têkoşînê xo ma rê verda.'' Qiseykerdişê Munîse Çager ra dima sloganê ''şehîdî nêmirenî'' ame vatene.

Nameyê Yewîya Cinîyan ê Kurdan ê Almanya (YJK-E) ser o Munevvere Altinişik zî qisey kerd.

Dima derheqê cuye û têkoşînê Omer Çagerî de sînevîzyonêk ame mojnayene.

Yadkerdiş bi sloganê ''Biciwîyo Serek Apo'' û ''Şehîdî Nêmirenî'' qedîya.