Têgêrayîşê Ciwananê Şorişgêran (TCŞ) ê Îngilîstanî bi wesîleya serrgêra 25ine ya Komployê Mîyanneteweyîyî London de bi sloganê 'Rayber Apoyî rê azadîye' rayraşîyayîşê hîrê rojan da destpêkerdene.

Rayraşîyayîşê ciwanan bi tîlîlîyan dest pêkerd û rayraşîyayîş de sloganê sey “Azadî Kurdistan”, “Bila hêzên komploger bimre”, “Ji Ocalan re azadî, ji Kurdistanê re azadî”, “Bijî Serok Apo” û “Ciwan fedaiyên Apo ne” ameyî vatene.

Rayraşîyayîşî derûdorî ra zî zaf eleqe dî.

Rayraşîyayîşî reyde Meclîsê Şarê Kurdî ra komêke dest pê grevê vêşanîye yê hîrê rojan kerd. Çalakîkeranê grevî zî rayraşîyayîş de cayê xo girewt.  Cinîyan çalakîye de deyîrî vatî, girseyî govende girewte û bi sloganan reng da çalakîye.

Rayraşîyayîş do 18ê sibate de Merkezê Komelê Dalstonî de biqedo û Meclîsê Şarê Kurdî rayraşîyayîş û mîtîngî uca de do bikero.