Endamê Dîvanê Hemserekîya KCDK-E Murat Ceylanî semedê tewrbîyayîşê konserê Parisî veng da ke çarçewaya Hemleya Abdullah Ocalanî rê azadîye, meseleya kurdan rê çareserîya sîyasîye de, ewro do saete 16.00 de bêro kerdene.

Hunermendê sey Xelîl Xemgîn, Hekîm Sefkan, Hozan Comerd, Firmesk, Mouss û Hakim, Rodolphe Burger, Sofiane Saidi û Mehdi Haddab do tewrê konserî bibê.

Murat Ceylanî bale ante muhîmîya konserî ser û nê vatî: ''No konser do bingeyê rayraşîyayîşê Kolnî yê 16ê teşrîna peyênî zî bîyaro pê. No konser semedê ma zaf muhîm o. Vera komployê mîyanneteweyîyî û semedê azadîya Rayber Apoyî û statuyê Kurdîstanî paştdayîşê mîyanneteweyîyî bimarek o. Ma pê bawer ê ke paştdayîşê Hemleya Azadîye do bazarîya leymine ya hêzanê mîyanneteweyîyî betal bikero.

Şarê kurdî û dostê ci heta serkewtişê hemle do têkoşînê xo bidomnê. No konser semedê ma çalakîya bimbarek a, vengê azadîye, xoverdayîş û Rayber Apoyî yo. Ma zî do konserê Paris Montreuil Expo de bibê vengê Rayber Apoyî, şarê kurdî û gerîlayanê azadîye. Ma heyata konserî û dormeyê ci biaçarnê warê serhildanî.''