Ewro xeylêk welatan de vera komployê vera Rayberê Şarê Kurdî Abdullah Ocalanî do çalakîyî bêrê kerdene. Çalakîyî pê şîarê ''Ma komplo xo vîr a nêkerd, ma do nêdo vîrakerdene''  serkêşîya TJK-E û KCDK-E yenê kerdene.

Hemserkê KCDK-E Yuksel Koç û çalakwana enternasyonalîste ya rayraşîyayîşê dergî, endama komîteya amadekarîye Delale Katalan derheqê aktîvîteyan de qisey kerd.

Yuksel Koçî vat: ''Komplokeran  22 serrî verê ci waşt ke pê komployî têgêrayîşê azadîye bifatisnê la têkoşînê Rayber Apoyî no komplo pûç vet. Têkoşîn hema dewam keno. 13ê sibate de (ewro) xeylêk merkezanê dinya de çalakîyê vera komloyî do bêro kerdene. Çalakîyan de pîya bi komployî do hêrişê îşxalî yê vera Garê bêro şermezarkerdene. Nê semedî ra ma veng danê heme şar û dostanê xo ke wa pê ruhê xoverdayîşê Garê tewrê çalakîyan bibê.''

çalakwana enternasyonalîste yê rayraşîyayîşê dergî, endama komîteya amadekarîye Delale Katalan zî nê vatî: ''Amerîkaya Başûre, Asya û Ewropa de xeylêk cayan de do çalakîyî bêrê kerdene. Nê çalakîyî semedê protestokerdişê komployî û azadîya Rayber Apoyî yenê kerdene. Ganî dostê enternasyonalîstî û şarê kurdî bi hewayêkê xurtî tewrê nê çalakîyan bibê. Ma prosesê krîtîkî ra ravêrenê. Ma zî ganî leteyêkê ka prosesî bi û tewrê çalakîyan bibê. No tewrbîyayîş do bibo leteyêkê têkoşînê gerîlayan ê ke Garê xover danê. Coka ganî her kes pê nasname û rengê xo nê çalakîyan de cayê xo bîgêro û nerazîbîyayîşê ramojno.''