10ê kanûne de mabênê saete 10:00-20:30 de bi nameyê 'Rojawanî ra Heta Washingtonî: Şoriş' konferansêko online do bêro kerdene.

Konferans de qala şorişê Rojawanî û prosesê şorişî do bêra kerdene. Goreyê pêşkêşnameyê konferansî Şorişê Rojawanî, tesîrê ci yê herêmî do bêrê ercnayene û têgêrayîşê şorişgêrî yê Sûdan, Îran, Cezayîr, Fransa, Haîtî û Lubnanî zî na çarçewe de do bêrê analîzkerdene.

Sernameyê konferansî wina yê: Îdeolojî û sîyasetê Rojawanî, rewşa sîyasî, paradîgmaya Abdullah Ocalanî, konfederalîzmo demokratîk, jineolojî, ekolojî ûsn.

Konferans do bi macarkî û îngîlîzkî bêro dayene û bi nê armancî keyepelêkê facebookî zî ronîya.