Endamanê Têgêrayîşê Ciwanan ê Şorişgêran bajarê Marsîlya yê Fransa de hêrişê îşxalkarîye yê dewleta Tirkî yê hemverê Başûrê Kurdistanî  û bambardûmanê vera Mexmûrî bi çalakîyêk protesto kerd.

Ciwanan bi fotografan qirkerdişê dewleta Tirkî yê vera sivîlan ramojna û bi sloganan bêvengîya Ewropa ya vera hêrişî şermezar kerde. Reyna endamê Konseya Serekîya Pêroyîye ya KCK’yî Dîyar Xerîbo ke 5’ê Temmuze de şehîd kewt, o zî ame vîrardene. Ciwanan derheqê hêrişê dewleta Tirkî yê vera Kurdan de vilawekî vila kerdî.