Bajarê Marsilya yê Fransa de xîyanetê PDKyî yê vera Têgêrayîşê Azadîye û Kurdan serkêşîya Merkezê Komelê Demokratîkî yê Kurdan de ame şermezarkerdene. Çalakîye de eşkerayîye kurdkî ameye wendene û bi nameyê Têgêrayîşê Ciwanan ê Şorişgêran ê Ewropa Mechella Route qisey kerd.

Eşkerayîye de nê ameyî ameyî vatene: ''Vera hêrişanê serê kurdan têkoşîno birûmet yeno kerdene. Têgêrayîşê Azadîye derbanê girdan danê dewleta tirke ya qirkere û hêzanê serdestan ro. Têkoşînê Têgêrayîşê Azadîye çar leteyanê Kurdîstanî de şarê kurdî qirkerdişî ra pawit. Gerîlayê Azadîye yê ke xoverdayîşê meşrû û demokratîkî kenê hêvîya xelisnayîşê û temînatê yewîye ya neteweyîye ya kurdan ê.Têgêrayîşê Azadîye serrgêra Pêkerdişê Lozanî de keno ke verê Lozanê diyînî bigêro la PDK bi hemkarîya leymin a bi dewleta tirke wazeno ke kurdan rê Lozanê diyînî bido ciwîyayene.

Rixmo ke Têgêrayîşê Azadîye xeylêk rey veng da PDKyî ke wa tekîlîyanê leyminan bi dewleta tirke caverdo, îdarekarê PDKyî nê vengdayîşan goştarî nêkenê û xîyanetî rê dewam kenê.

PDKyo ke bi temamî erjanê xo yê kurdîtîye ra kewto û bi her çîyê xo teslîmê dewleta tirke bîyo, îdarekaranê ci ra Ali Avni sînorê xîyanetî nas nêkerd û temsîlkarê Têgêrayîşê Azadîye nîşan dayî û cehd kerd ke hêrişanê dewleta tirke meşrû bikero.

Ganî şarê kurdî wayîrê Têgêrayîşê Azadîye û gerîlayan bivejîyo. Ma bi vera tekîlîyanê leyminan û xîyanetê PDKyî bi caardişê yewîya neteweyîye hesab bipersê.''