Bajaranê Marsilya û Bordeauxî yê Fransa de  de azadîya Rayberê Şarê Kurdî Abdullah Ocalanî ameye waştene.

Marsilya de ciwananê kurdan semedê azadîya Abdullah Ocalanî Meydanê Teyarayan ê Marseille Provence de çalakîya bêîteatîya sîvîle kerde. Ciwananê ke bi pankartanê ''Azadîye do ser bikewo'' û fotografanê Abdullah Ocalanî û bi sloganan kewtî warî, derheqê tecrîd û felsefeya Ocalanî de zanayîş da û broşurî vila kerdî. Ciwanan vat çalakîyê înan do dewam bikerê.

Bordeaux de zî kurdîstanijan û dostanê înan semedê azadîya Abdullah Ocalanî rayraşîyayîş kerd. Çalakîye de bi  nameyê Meclîsê Komelê Demokratîkî yê Kurdan û Tevgera Ciwanên Şoreşger (TCŞ) qiseykerdişî ameyî kerdene û bale ameye antene tecrîdê giranî yê Îmraliyî û xoverdayîşê şarê kurdî ser. Qiseykerdişan de azadîya Ocalanî ameye waştene û semedê xurtkerdişê têkoşî ame vengdayene.