Şaristanê Marsilya yê Fransa û şaristanê Stuttgartî yê Almanya de ciwananê kurdan vera îşxalî tay çalakîyî kerdî.

Stuttgart de endamanê Cinîyan ê Ciwanan ê Têkoşeran bazarê Milaneoa de vilawekî vila kerdî. Ciwanan vat: ''Almanya fînanse kena, Tirkîya zî bombarduman kena.'' Ciwanan bale ante hêrişanê kîmyewîyan ê Tirkîya ser. Çalakîye de sloganê 'Wa panzerê almanan Kurdîstanî ra vejîyê' ame vatene.

Marsilya de endamanê Têgêrayîşê Ciwananê Şorişgêran Marignane de çalakîyêka rayraşîyayîşî kerde. Ciwanan vat: ''Pawitişê Kurdîstanî erkê ma yo. Coka ganî ma her ca de çalakîyan bikerê.''