Lîderê Têgêrayîşê Fransa yê Serenêronaye (France Insoumîse) û û parlamenter Jean-Luc Melenchon Komîsyonê Karanê Teberî yê Meclîsê Neteweyî yê Fransa de qisey kerd û bale ante serê rolê Kurdan ê ameyoxê Sûrîye.

Melenchonî serdayîşê Sereka Komîsyonî Marîelle de Sarneze û tayê parlamenteran ê Rayberîya Xosere ya Vakurî û Rojakewtena Sûrîya silam kerd û da zanayene ke serdayîş seba dayîşê peyamê ‘ma leyê şima de yê’ Kurdan muhîm o.

Tirkîya xoserîya Kurdan nêwazena 

Jean-Luc Melenchonî bale ante serê muhîmîya tewrbîyayîşê Kurdan ê konferansanê derheqê awankerdişê Sûrîye û xeter û tehdîtê Tirkîya yê herême ard vîrî. Melenchonî xeterê îşxalê Tirkîya yê Efrînî û herêmanê bînan ê Sûrîye ard vîrî û vat, “Ma nêwazenê Sûrîye parçe biba, labelê ma wazenê Kurdî bibê wayîrê sîstemêkê federatîfî (otonom)." Melenchonî ard ziwan,  Tirkîya vera ney vindena û vat, “Teberê çeteyanê DAÎŞ’î hêzê ke herême de aramîye xeripnenê Tirk ê.” 

Tirkîya bi qedexekerdişê PKK’yî ma hemkarê ma yê tewr girdî ra visnena

Melenchonî ard vîrî, babetêka ke Tirkîya bi giranîye ser o vindena a ya ke vernîgirewtişê ‘lîsteya rêxistinanê tororî’ ya Ewropa ra vetişê PKK’yî yo û vat, bi ney welatê sey Fransa hemkarê ci yê tewr muhîmî ra, Kurdan ra mehrûm verdana.

Hêzê ke herême pawenê eşkenê sucdaran zî muhakeme bikerê

Jean-Luc Melenchonî babeta muhakemekerdişê çetayanê hemwelatijanê Fransa yê ke Sûrîye û Iraq de ameyê girewtene de da zanayene ke ganî ê Sûrîye de bêrê muhakemekerdene. Melenchonî bala ante serê Vakur û Rojakewtena Sûrîye û ard ziwan, ê herêmî binê kontrolê rejîmê Sûrîye de nîyê. Melenchonî vat, “Hêzê herême ke wayîrê kapasîteyê binkerdişê dişmenî û pawitişê herême yê, bi hetkarîya ma eşkenê mehkemeyan bi nê amancî awan bikerê.”