Çalakîkeranê çalakîya fedayîye ya vera TUSAŞî ra û Endama Tabûra Bêmergan Asya Alî (Mîne Sevjîn Alçîçek) çalakîye ra verî Rayber Apoyî, embazanê xo, cinîyanê PAJKî, şarî, tepişteyan û keyeyê xo rê mektubî û raporê çalakîye nuştî.

Ma mektuban û raporê çalakîye weşanenê:

''Tabûra Bêmergan a Şehîde Zîlane rê

Raporê ma yê çalakîya fedayîye

Nameyê mi Asya Alî ya. Sîstem de nameyê mi Mîne Sevjîn Alçîçek a. Ez 1989 de Îzmîr de dadîya xo ra bîya. Eslê xo de Colemêrgî ra ya. Ez Beşê Programgerîya Komputerî ra mezun bîya. Keyeyê mi wayîrê çar domanan o û teyna ez kêna ya. Mi her çiqas ferasetê welatperwerîye keyeyê xo de girewto zî keyeyê ma ra mi ra ber tewrbîyayîşêk nêbi. Domanîya mi mabênê keye û dormeyî de di parçeyî bîyî. Dormeyê ma, embazê mektebî dinyayêka cîya û rojdemêko cîya bîyî. Ferasetê ma cîya bîyî la ê embazê min ê mektebî bîyî. Dormeyêko alternatîf zî çin bi ke ez tede embazanê kurdan û sosyalîstan bişinasna. Cîranê ma û embazê min ê mektebî domanê keyeyanê Kemalîstan bîyî. Heta ke ez tewra xebatanê ciwanan bîya na rewşe wina dewam kerd. Hetêkê mi hesreta kultur û nasnameyê xo bi û kêm bi û hetê min o bîn zî adapteyê dormeyî bi û kultur û nasnameyê xo ra dûr bi. Yanî ez araf de bîya. Nakokîya min a verêne nakokîyanê cînsîyetan ser o bîye û ney zî Rayberîye de ez arda pê. Mi cîyakerîya mabênê cinî û camêrdan ferq kerdêne, bi kitabanê xo û mekteb de mi no çi hîna nêzdî ra dîyêne. Mi nakokîya xo keyeyê xo de pare kerdêne la mi cewabê tamî nêgirewtêne...Nê prosesî de cigêrayîşanê mi ez rêxistinanê ekolojîkan, femînîstan, partîyanê anarşîstan, fraksîyonan û dormeyê çepgîrî de arda tê. La yewê nînan de zî cewabê persanê mi çin bi. Çîyo ke ez gêrayêne ci ganî wina bibîyêne ke teorî û pratîkê ci do yew bibê, alternatîfê ci vera sîstemî est bibo. Bêkokîya mi heta mi PKK şinasna, ez berda nata weta. Dormeyê ma de kitabê Rayberîye û weşanê partîye est bîyê. Peynîya lîseyî ra dima mi dest pê wendişê pawitişnameyanê Rayberîye kerd. La mi tam fam nêkerdêne. Dima mi ercnayîşê 'Eşqê Kurdan' ê Rayberîye wend û mi cewabê pêro persanê xo uca de dî. Hinî mi zanayêne ke ganî ez senî biciwîya. Mi do rolê cinîya sîstemî qebul nêkerdêne û hedef û xeyalê xo bi nînan teng nêkerdêne. Coka ez tewra xebatanê 'Cinîya Ciwane', Meclîsanê Cinîyan û xebatanê komelkîyan bîya. Qasê 10 serran bi hawayêkê aktîfî ez tewra xebatan bîya. Nê serran de xeylê reyî mi xîret kerd ke ez tewra koyan biba. La astengkerdişê embazan, bêbawerîye û bêtedbîrîye ra nê xîretê mi bênetîce mendî. Ancî zî mi tim xeyal kerd ke rojêke ez do biba gerîla. Xebatanê xo de mi firsend dî ke ez şora waranê azadan, gerîlayan bişinasna. O çax mi zaf israr kerd ke ez vejîya koyan la embazanê mi israr kerd ke ez xebatanê xo rê dewam bikera. La dima embazê mi Laşer wexto ke şîtyêne çalakîye qeza de şehîd bi. Seba ke cayê şehadetê ey cayêko sivîl bi ma şîyî uca kontrolî. Uca de wexto ke mi parçeyê embazan arê dayêne mi soz da her yew parçeyî ke ez do layîqa înan biba û çîyo ke nêmcet mendo ez do temam bikera. O çax semedê dewaya vera mi û semedo ke îlananê xoverdayîşê xoîdarekerdişî derheqê mi de bira tepişîyayîşî dîyabî. Ez ê şaristanî de wextêk qeçax menda û dima resaya cayê embazan. Embazan bi saetan kerd ke ez abigêra. La ê nêeşkayî. Mi 31ê tebaxa 2015î de tewrbîyayîşê xo kerd. Mi bire daye ke verê Şehîd Laşerî de sozê xo bîyara ca, seba ke rixmê îlanê xoverdayîşê xoîdarekerdişî zî rêxistinîya ma vila bîya û mesuldarîyê xo ma nêardî ca sey hêzê qesasî ez rexneyanê xo bida. Yanî sebebê mi zaf bîyî. Coka mi pêşnîyaz kerd ke ez Tabûra Bêmergan a Şehîde Zîlane de cabigêra. La embazan vat ke seba mi hema rew o. 2016 de Cîlo de embazê ma Şehîd Rênasî çalakîya fedayîye kerde la verî ke bireso hedefê xo o şehîd bi. Dima mi raporêk şawit Fermandarîya Eyaletî ke ez wazena çalakîya embaz Rênasî temam bikera. Cewabê raporî de ame vatene ke bira mi pozîtîf a la çalakîyê winayênî wextêk do nêrê kerdene. Ez naye ser o tewra Hêzanê Taybetan bîya. Mi mîsyonê Tabûra Şehîde Zîlane zanayêne la ê Hêzanê Taybetan nêzanayêne. Ez seba çalakîya fedayîye tewr bibî û mi vatêne qey çalakîya fedayîye xo ser de bombateqnayîş o. Binawanî, ked, tecrube, xîretê ney mi de kêm bîyî. Mi waşt ke Zap de ez pabeya erkê Hêzanê Taybetan biba. Zap de ez erşawîyaya branşê sabotajî yê Akademîyanê Şehîd Mahîrî. Ez zaf şa bîya çunke mi do bombayê azadîye bi destanê xo biviraştêne. 2017 de bi coşî mi dest pê perwerdetî kerd. Ancî zî mi seba Tabûra Şehîde Zîlane pêşnîyazê xo kerdêne. 2018 de mîyanê Hêzanê Taybetan de ez ameya cakerdene. Mi uca de fam kerd ke çiqas ez bi tengî ewnîyaya fedayîtîye. Mi vatêne qey 'Ez cara amade ya.' PKK de dîyar o ke ganî ti waştişê xo heq bikero. Kapîtalîzm wina yo; 'ez naye wazena, o çax wa o ê min bibo.' La PKK de ferasetê 'Ez wazena wina şer bikera, uca de şer bikera. O çax ganî ez seba ney amade bikera, kede bida û pêro fedakarîye bikera.' Mi no o çax fam nêkerdêne. Coka mi zor dayêne fermandaran ke ez wazeba çalakîya fedayîye bikera çira verê mi anêbeno.' Fedayîtîye karê popularîte û qehremanîya ercane nîya. Hêverî ganî ti qerar bidî, dima ganî ti xo tam bikerî û felsefeya Rayberîye de yew bibî. Mi xorinîya ney Hêzanê Taybetan de fam kerde. O çax mi têgêrayîş nêzdî ra şinasna, teqîb kerd, fam kerd û ez aver şîya. Eke çime Rayberî ya o çax qet yew meseleya kesayetî bêçareserîye nêmana. Teyna ganî ma Rayberîye bi raştî bîyarê ca. E bi na qerardarî û îdîa şîya Tabûra Şehîde Zîlane. Ez heman coş û kelecanî de bîya. Mi zanayêne ke ez se bikera zî do nêeşka biresa ezîzîya Şehîde Zîlane. A Homaya bêmergîye...Ez teyna bi çalakîya xo do bieşka biba namzeda dergahê aye...Senî ke yew baz bala xo dano hedefê xo û serkewtişî ra ber destûr nêdano çîyêkî ez zî do hêrsê qesasî yê vera dişmenî mezgê ci de biteqina û bedelê pêro kedanê embazanê xo bida. Îdîa û qerardarîya mi wina ya. Ez bi pêro samîmetê xo îfade kena ke na qerardarîye mi de psîkolojîya merdeyêke ney kelecanê verarkerdişê cuyêka newîye afernena. 

Merkezê pêro erjan Rayber Apoyî rê

Fîrazê pêro dîn û bawerîyan est ê. Cenabê to zî merkezê nê pêro erjan û fîrazan ê. Wa xelet fam nêbo; ez cenabê xo meqamê homatîye de nêvînena û bi nê hawayî nêheqîya cenabê to zî nêkena. Cenabê to ewladê homayan o. Cenabê to şarî bi nê ferasetî wedaritî payan ser. Cenabê to felsefeya xo de yew bîyo, her çi bîyo û bîyo çimeyê îlhamî yo dinya. Ma rê sereberzî ya ke ma bîyê wendekarê to. Eke ti ewro îşkencexaneyê Îmraliyî de yî, sebebê ney embazîya ma ya kêm a. Sey embazanê bînan armancê min o tewr pîl zî no yo ke ez bi çalakîya xo tayêk zî bibo nêzdîyê to biba. Serekê mi ez zanena ke ti çalakîyanê winayênan taswîb nêkenî. La heşê to ez wazena ney vaja ke kam ke destê xo bidê waranê azadan ma do mezgê ci û qelbê ci de sey bomba biteqê. Nê waranê azadan de rojê ma yê tewr rindî derbaz bîyî ke ma seba ney deyndarê to yê. Ez wina bawer kena ke fedayîyo tewr pîl cara cenabê to yo coka ti do çalakîya winayêne ma rê zaf nêvînî.

Serekê mi înanê ke to dîyo, tim pirnikê mi bi înan vêşa. La roja ke mi qerarê na çalakîye dayo a roje ra nata tim mi hewnanê xo de ti dî. Ez zanena ke yew manaya ney est a. Ez zanena ke kamca de beno wa bibo mabênê ma de frekansêk virazîyayo. Beno ke pênaseyê eşqê raştikênî no yo, beno ke manaya dîyayîşî na ya. Ez zanena ke tim tim ma vînenê. Ez zî cenabê to vînena û no do tim wina bibo. Bi heskerdiş, rêz û hesreta xorinî...

Pêro embazan rê

Sey şima pêroyînan ez zî rojanê tewr manadaran waranê azadan ê Rayberîye de, nê koyan de vîyarta. Ez nê patîkayan de kewta peyê cewherê raştîye, raştîya xo, kurdayetîya xo, cinîtîya xo. Her game de mi gamê raywananê verênan dî, vengê înan eşnawitî. Ney ez hîna zaf besta nê rayîran ra û mi fam kerd ke êyê ke pusula kenê Rayberîye û şehîdan do rotaya xo şaş nêkerê.

Domanê ke bê ziwanê dayîke û bê nasnameyê xo benê do bimirê. Ma ê doman ê ke sey merdeyan dadîya xo ra bîyê. Talîhê ma teyna no yo ke fedayîyê sey Rayber Apoyî ma rê rayberîye kerde û nê şertê cuye dayê ma. Ma PKKyî reyde nefes girewt û ciwîyayî. Nika her wextî ra zafêr hêrişê damaranê ma yê cuye yeno kerdene, ma bênefes yenê verdayene. Ez zanena ke vera ney şima cewab danê. Şima bedenanê xo kenê mertal, tunelan de şer kenê û vera Dehaqan bi fedayîtî şer kenê. Ez sey embazêka şima bi çalakîya xo wazena ke bara şima pare bikera. Teyna ez ney pêro embazanê ma yê warê şerî wina fikirîyenê. Ma serkêşê komelêkî yê. No komel komelêko demokratîj, ekolojîk, azadîgîrê cinîyan o. Rayberîya ma yew utopya kerd  raşt û merdimatîyêka newîye awan kerde. Endamê nê komelî ganî bi exlaq û terbîyeyê ney têbigêrê û serkêşîye bikrê. Ez bawer kena ke şima erkanê xo do bîyarê ca, çalakîya mi de hetê mi de cabigêrê. Tek kederê mi no yo ke ez do erdê xo de şehîd nêba û bi destanê embazanê xo binê erdî nêba. Ancî zî ez zanena ke ma gerîlayê çaxê kuantumî yê û do bieşkê hertim hem her ca de est bê hem zî çin bê.

Merdimî emrêk de çend emran ciwîyenê? Êyê ke gerîlayî nîyê do cewabê ney nêzanê. Ma eqsê merdimanê bînan se qat zafêr şayî, kelecan, heskerdişan ciwîyenê. Ma pêro hîsan bi xorinîyê ciwîyenê. Na cuya manadar a, heskerdişo raştikên o. No îhtîyacê merdimbîyayîş û rûmetênbîyayîş o. Coka ez seba emrê bi şima mînetdarê şima ya. Ez nêzanena ke do çend reyî bêra dinya la ez hêvî kena ke do reyna biba embaza şima. Ez bawer kena ke şima do heta çilka peyêne cuye bipawê. Eke mi têkoşînê embazêkî/e rê bi xirabî tesîr kerdo rexneyê xo dana, şer de şima rê serkewtiş wazena. Seke Şehîde Ekîne vatbi 'Her çi semedê pêvînayîşê pîlî yo...'

Cinîyanê eşqî yê PAJKî rê

Her cayê dinya de cinîyî cînso diyîn bîyî la Kurdîstan de û Rojhelatê Mîyanênî de cinîtîye koleyan û merdeyan de ye yew bîye. Heta ke cinîyan ê kurdan Sarayan û Besêyan çeqa azadîye vista ta. Hinî ma sey wayîranê artêşa cinîyan eşkenê avantajanê cinîbîyayîşî ra qisey bikerê. Xora her cayê dinya de cinîyî yenê eciqnayene. Cinîyê ke pê ney hesîyayê ewro gêrenê ke zemînê têkoşînê hemparî awan bikerê la xeletîyê ma zî zaf ê. Sere de Ewropa de cinîyî nêeşkenê heqê îdeolojîya azadîye ya lîberalîzmî ra berê. Pênaseyê azadîye beno 'Ez senî biwaza o qayde biciwîya, têbigêra' ke no cinîyan keno sey camêrdan, keno meta. No feraseto xelet Kurdîstan de qestî ra sey metodê şerê taybetî şuxilîyeno. Coka her roje cinîyê kurdî raştê tecawuzê leşker, qoricîyan û 'camêrdanê dewlete yê xasan' yenê û qetil benê. Seba ma babeta rexne ya ke ma pê nê ferasetî hema zî nêeşkenê. Ma xêrê Rayber Apoyî ra ciwîyenê, xo rêxistin kenê. Ma wayîrê partî û artêşa cinîyan ê. Kurdîstan de cinîyî wayîrê avajantajanê winayênan ê zî. Eke ma nê avajantajan sînordar bikerê Rayber Apoyî rê zî neheqîye kenê. Mesuldarîyê ma yê ke Rayberîye cinîyan ê dinya de bêrê yewca. Eke ewro meşaleya azadîye ya cinîyan bi şîarê 'Jin, Jiyan, Azadî' dinya ra gêrena ganî pêro dinya seba ke agernayoxê nê şîarî esaretî ra bixelisna biqîra. Sey cinîyan ê pêro dinya mesuldarê ma yo ke ma qalê Rayberîye bikerê...

He embazê min ê rindekî; sereberzî û mesuldarîyêke bîyê ke ez hetê şima de vera ferasetê camêrdan têgêraya, şima reyde resaya ferasetê cinîbîyayîşî, şima reyde mi şer kerd. Ez soz dana ke heta peynî ez sey milîtanêka PAJKî bi mesuldarî têbigêra. Ez çalakîya xo dîyarîya Fermandara xo Aryana Baran kena. Ez şima pêroyînan bi heskerdişî kena verarê xo û têkoşîn de şima rê serkewtiş wazena.

Embazanê zîndanan rê

Endamîya PKK û PAJKî yena a mana ke bi yew hêz û eqlî heqê zehmetîyan ra bîyayîş û pîya şerkerdiş. Şima her çiqas bi dêsan yenê astengkerdene zî mewzîyan de vera dişmenî ma reyde mil bi milî şer kenê. Çeka şima ge bîya vêşanîya bedenî ge zî bîya xoverdayîşê vera îşkenceyî la hertim şima xeta Mazlûm, Kemalan ra şîyê. Seba ke şima hema zî zorîyan de yenê têrî ma ganî rexneyanê xo bidê. Bi nê hîsan ez waranê azadan de bi çimanê şima ewnîyaya pêro rindîyan ra. Mi seba şima asmên, mewsîmî, germîya tîje, aramîya varanî hîs kerdî. Ez zanena ke şima zî ma reyde xeberanê xiraban ra dejayî û çalakîyanê serkewteyan rê şa bîyê. Ez zanena ke şertî çendek giran bîyê zî şima warê xo yê şerî kerdo warê Rayberîye. Şima hinî wayîrê ê tecrube û mesuldarîyan ê ke bibê akademîsyenê komelê neweyî. Kurdîstanê Azadî de do erkê şima zaf bibê. Bi na hişmendî ez şima rê serkewtiş wazena, bi hesret, heskerdiş û rêzî şima selam kena.

Şarê kurdî yê welatperwerî rê

Prosesê muzakereyan o ke qaşo nameyê ci prosesê haştîye bi rixmê hişyarîyanê Rayberîye zî ma ra zaf çî girewt. Oyo tewr xirab no bi ke ma formulê dewlete xo vîra kerd û vat qey raşta zî haştîye do bêra caardene. Rixmo ke bedelê nê xefletî giran bîyo şima ganî bizanê ke qiseyê heq, huqûq û haştîye nêvurîyayê. Ganî ma bizanê ka kamî ra çita biwazê. Şima şarêko winayên o ke pêro tarîxî de xo ver da. Coka ganî tewr zaf şima bizanê ke azadîye bedelan wazena. Ganî şarê Vakurê Kurdîstanî hende bi recifîyayîşî nêzdî nêbo. Eke ma azad nêbê çi qîmetê banê ma û karê ma est o? Şima zanenê ke ê wazenê ma bimusê çinbîyayîşê Rayberîya xo, eke gerîlayî şer kenê bes o? Eke şima goreyê şarê şerî têbigêrê do cewabê tewr raştî bidê domananê xo. Şaro ke ez seba ci şer keno ganî seba dadîya ke esteyê lajê ci pê kargoyî erşawîyayê ci, seba babîyo ke esteyê lajê ci zereyê tewreyî de dîyayê ci û seba şehîdanê xo qîyam bikero û eke şerwanê ci bi çekanê kîmyewîyan bêrê qetilkerdene ganî dinya serûbin bikero. Şima bi wehşetî la bi xoverdayîşî resayî nê rojan. Seke Şehîd Çekdarî vatbi 'Domanê şarêkê qehremanî do bibê fedayî.' Eke her kes erkê xo bîyaro ca ma do govenda azadîye Rayberîya xo de bigêrê. Ganî ma mesuldarîyanê xo yê Şerê Şarî yê Şorişgêrî bizanê û domananê xo PKKyî ra dûrî nêgêrê. Domanê ke PKKyî ra kewenê dûrî kewenê destê gemarinî yê sîstemî. Na dinyaya gemarine de teyna komelê PKKyî pakî mendo. Şarê ma wa domananê xo bi felsefeya Rayber Apoyî û PKKyî weye bikero. Ma milîtanê winayênî yê ke zanenê ke çend xizmetê şarê xo bikerê hendê do azad bibê. Coka ez zanena ke ez siba şima û dadîyanê şehîdan çi bikera zî do kêm bibo. La ancî zî sey domana şima tewr zaf seba dadîyan şer kena û lew nana destanê şima yê fîrazan ra.

Bijî SEROK APO!

Bê Serok Jiyan Nabe!

Jin Jiyan Azadî!

Bijî Şerê Gel ê Şoreşgerî!

An Serkeftin An Serkeftin!

Wa qehr bibo kanwazî!

Wa qehr biba dewleta tirke ya faşîste!

 

Keyeyê mi rê

Ez texmîn kena ke şima do bi xebera mi bidejê. La eke şima mi şinasnenê zanenê ke ne tewrbîyayîşê mi ne zî şerê mi sey normalî bibê, ez do aya tewr hole biwaza. Mi şima rê vatêne ke eke ez tewra PKKyî nêba do şima sûcdar bikera û şa nêba. Çunke şima heskerdişê xo mi verî de sey astengîye naye ro. La heskerdişo raştikên viraştişê warêkê azadî yo. Coka heskerdişê min ê seba şima bi tewrbîyayîşê mi resa cewherê xo. Mi ser de keda şima zaf a. Seba ke ez layîqa şima biba ganî ez seba şima şer bikera. Eke şima zî raşta mi ra hes kenê têkoşînê mi bidomînê. Bi pêro îradeyê xo vera dişmenî têbigêrê û peyê mi ra mebermê. Bermayîşê şima mi pîl nêkero la do qij bikero. Wa no vera dişmenî bibo şerê şima yo verên. Ez şima ra çîyêkî rica kena. Wa birazîyê mi bi ziwanê xo û bi nasnameyê xo weye bibê. Wa ê bi hîsê kêmasîye sey mi pîl nêbê û wa qetî PKKyî û Rayberîye bişinasnê. Şima ra rîcaya min a diyîne zî na ya ke mi ra parçeyêko qij bimano zî mi berê şehîdgehêkî de defin bikerê. Ez wazena hetê embazanê xo de bi aramîye rabikewa. Şima beno ke kênaya xo ra benê la ez bi seyan embazanê xo ra bîya. Ez hêvî kena ke şima do mi fam bikerê.

Dadîya min a delale, ez sey yew kênaya to, to hetî de zaf nêvinderta û to de eleqedar nêbîya. Mi efû bikere. Seba ke babî û birayê mi to de eleqedar bîyêne zerrîya mi zî tim rehet bîya. La mi mîyanê embazanê cinîyan de fam kerd ke îhtîyacîya cinîyan a bi cinîyan û dîyalogê mabênê cinîyan sey çîyêkê bînî nîyo. Coka eke ez bizana ke ti do cinîyanê dormeyê xo de verar şora û çîyo ke ti nêeşkaya biciwîya, wina hîs bikera ti do dîyarîyêka pîle bida mi. Heta ke şima mi bîyarê vîrê xo, ez hetê şima de ya. Teyna şima goreyê têkoşînê ma tewirêkî bimojnê. Xo vîr a mekerê ke pêro embazê mi zî ewladê şima yê, ez zî ewlada bi hezaran keyeyanê şehîdan a. Çend ke şima mi fam bikerê, ez zî do şima fam bikera.

Rêz û Heskerdişê Bi Apogîrî

Asya Alî                                                                                                                                    

11.11.2022”