Endamê Tabûra Bêmergan  Rojger Hêlîn (Ali Orek)o ke vera TUSAŞî çalakîya fedayîye kerde, verê çalakîyê Rayber Apo, gerîlayan, cinîyan, şar û keyeyê xo rê mektubî nuştî. Mektubî û raporê ci yê çalakîye wina yê:

"Tabûra Bêmergan a Şehîde Zîlane rê raporê mi yê çalakîye yo

Nameyê mi Ali Orek o ez 2002 de Hezex de ameya dinya û keyeyêkê welatperwerî de bîya pîl. Rixmo ke keyeyê mi feodal bi û binê tesîrê dînî de bi hîsê ci yê welatperwerîye xorî  yê. Mi 8 serrî wend. Bado ke mi mekteb caverda mi xebetanê ciwanan de ca girewt. Seba ke mi domanîya xo ra partîye nas kerdêne vînayîşê embazan zehmet nêbi. Wexto ke mi qerarê tewrbîyayîşî da mi raporê hemra Zîlane yê çalakîya fedayîye wend û ez zaf binê tesîrê ci de menda. Eynî wextî de prosesê tarîxî yê Kobanê zî dest pêkerd. Hem mektuba hemra Zîlane hem zî xoverdayîşo biheybet ê Rojawanî reyna mojna mi ke ez ganî gird biciwîyî û gird şer bikerî. Mi waştêne ez verî çalakîyêke bikerî hema tewr bibî. Pîya hîrê embazan ma çalkîyêke kerde. Extîyarêkî çalakîya ma dîye. Ez şîya verê ci û persaya mi vat Apoyî yê. Apê extîyarî mi rê vat ''ne ez ne zî to Apoyî yê. Eke ti wazenê Apoyîyan bivînê verê xo bidê koyan.''  Dima ra mi eşnawit ke no ap babîyê şehîdan o. Mi vatişê ey ard ca û verê xo da koyan.

 2014 de Gabar de ez tewrê refanê gerîlayan bîya. Seba ke ez ham qij bîya mi sozê kadroyîye da û reyna agêraya xebatanê bajarî. Birayêkê mi zî 2015 de tewrê refanê azadîye bi. 2016 de mi xoverdayîşê xoîdarekerdişî yê Hezexî de cayê xo girewt. Mi nê prosesî de zaf tecrube kerd pêser. Ez nêeşkena qala o prosesî bikerî, mi rê zaf zehmet o. La seba ke ez bi hemrayan Şehîd Rojger, Şehîd Çeko ÇATAK, Şehîd Rençber, Şehîde Viyane, Şehîde Nuda, Şehîde Hêlîne, Şehîde Rezan, Şehîde Nurhake û xeylêk embezanê bînan ciwîyaya û binê fermandarîya înan de mi şer kerd, no mi rê bedelê dinyayan o. Mi tîya ruhê fedayîtîye nas kerd. Seba ke ez û hewt embazê birîndarî warî ra bêrê vetene, diwês embazan xo feda kerd.  Tesîro ke na rewşe mi rê kerd çew nêeşkeno bîyaro ziwan. Ez têna eşkena bi pratîkê xo bibê layîkê nê embazanê rindan. Çoka ez bi çalakîya xo wazenê qesasê nê embazan zî bigîrê.

Bado ke ez prosesê YPSyî de birîndar bîya 2016 de ez reyna şîya Gabar û ûca ra zî semedê tedawî şawîyaya Başûr. Badê tedawî ez şîya Heftanîn. Dima ra ez şîya Garê de tewrê perwedeyê şerwananê neweyan bîya û ûca hîrê serrî menda. 2019 de ez reyna agêraya xebatanê YPSyî. 

Roja verêne ya tewrbîyayîşê mi ra mi waşt ez mîyanê hêzanê taybetan ca bigîrî. 2023 de waştişê mi ame qebulkerdene. Seke ez ameya dezgeh semedê çalakîya fedayîye  ez tim cehd kena ke xo her hetî ra aver bêrî. Ez qerardar a ke sey şervanê Şehîde Zîlane bi hewayêkê qerardarî praktîk wezîfeyê xo bîyarî ca. Ez pê xo bawer a, her wextî ra zafêr nê wezîfeyî rê hazir a.

Tîja cuyeya ma Rayberîye rê;

Serekê min o erjîyaye her çîya ver şertê ke şima tede yê ma zaf qehrnenê. Ma vera keda şima ganê xo zî bido qîm nêkeno. Şima  bi cuya xo şarêk newe ra afirna. Ma eserê şima yê. Verê na fedakarîya girde de ma se bikerê zî nêeşkenê deynê xo bidê. Partîya ma bi keda pîle û bedelanê girdan heta ewro ameye. Her erjo ke yeno afirnayene bedel wazeno. Ma şima de ameyî afirnayene, şima de est ê û ma do rayraşîyayîşê xo yê azadîye bi şima rayra bêro. Ez wazena bi na çalakîya xo şima rê deynê xo bidê. Senî ke dinya bê tîje roşn nêbena bê şima zî azadîye nêbena. Xeyalê mîn o tewr pîl o bi ke ez şima bivînê. Ez fîzîkî şima mevînê zî ez do bi çalakîya xo biresê şima. Mi na roje zaf pawit ke ez bibî layikê şima, şehîdan, hemrayan û şarê xo. Ez do bi gamanê pêtan ver bi hedefê xo şirê û firsetê tewr qijî zî semedê gird pirodayîşê dişmenî bişuxulnî.

Serekê mi semedê wezîfeyanê xo ke ma wextî de nêardî ca, ez do pratîk de xorexnekerdişê xo bidî. Ez do heskerdişê xo yê vera şima û şerê xo yê vera dişmenî ramojnê.

Tîje tarî nêbîye, nêeşkena bêro tarîkerdene û do çirey tarî mebo.

 Şervananê heqîqetî rê;

Ma têkoşînê bimbarekî de ameyî têhet ke zaf zehmet o. Ma sey klanê Apoyî mecbûrê ke bi berpirsîyarîya tarîxî biciwîyê û şer bikerê. Ma xo vîra mekerê ke sebebêkê tecrîdê serê Rayberîye zî o yo ke ma hema beyraqa têkoşînî nêresnaye titîkî. Ganî ma pêro pratîk de deynê xo bidê. Kulturê pancas serran ê PKKyî semedê afrinayîşê merdimê neweyî bes o. Mîlîtanê PKKyî merdim tewr pakî yê na dinya yê. Felsefeya Rayberîye merdimo biehleq afirna. Şehîdanê ma rayîrê ma mojna. Ganî ma rêça înan de beyraqa têkoşînî berze bikerê. Semedê nê zî ganî ma verî cuye de ser bikewê û şerî de dahînan giran bidê piro.

Hemrayî, şima reyde ciwîyayîş û şerkerdiş hîso tewr rind ê dinya yo. Ez na çalakîye bi hêz û moralê ke mi şima ra girewt, kena. Çalakîye de do şima pêro cayê mi de bî. Ma do pêro pîya ver bi serkewtişî şirê. Ez nê zî vajî, eke ez reyna biameyêne dinya reyna mi waştêne ez bibê hemrayê şima û mîlîtanê PKKyî.

Hemrayan ê cinîyan rê ke cuye û azadîye temsîl kenê;

Gama ke ez tewrê partîye bîya, ez hema domano qij bîya. Mi şeklê xo yo verên şima ra girewt. Mi cuyeya xo ya têkoşînî de zaf cehd kerd ke ez cinîyan reyde hemrayîya raşte bikerî. Ez her roje vînena ke cinî raşta zî cuye ya.

Rayberîye cînîya azade afirnaye, cinîya azada ke ameye afirnayene a zî nika camêrdê azadî afirnena. Dinya destê şima de reyna bena zergun. Xora ez zana şima senî wayîrê îradeyî yê la reyna zî ez wazena vajî, ez rîca dexalet kena xopawitişî cavmeverdê. Rayberîye partîya ma teslîmê şima kerd. Coka ma hewceyê têkoşîn û serkêşîye şima yê. Bêwaştişê  zî bo eke vera şima kêmayî ya zî tewirê mi yo xelet bîyo ez xorexnekerdişê xo dana. Na çalakîya ke do ez bikerî do biba xorexnekerdişê hemrayîyêka raştî ya bi şima

''Bi na çalakîye ez wazenê bibê şervanêk ke binê fermandarîya Zîlane de rayra şino''

 Şarê kurdî yê şervanî rê;

Gama ke mi ruho xoverdayox nê şarî  dî ez hema qij bîya. Hela ke ez yew keye de bi çend guleyan çemberê dişmenî de menda, nîmeyê şewe de şima camî ra anons kerd, mîyanê cilanê xo ra vejîyayî û çemberê dişmenî ra ravêrtî. Hela ke dayîkî bi tîllîyan virar şîyî mi ra, xo kerd sîper mi vat ''na raştîya şarî ya ke Rayber Apoyî afirnaye'' No newerabîyayîşê mi bi. A roje nata ez sey ewledêkê şima kena ke bibê layîkê şima. La ez zana ke ez se bikerî zî nê eşkena deynê xo bidê.

Vera şarê winayênî de kam dişmen eşkeno vindero? Kam eşkeno ke bi polîtîkayanê înkar û îmhayî nê şarî rê çok bido dayene? Kamyew hêz eşkeno înan Rayberîya ci ra raqilno? Wextê ci ameyo ke na bêvengîye biqedîyo.  Ganî ma xo bişanê ro û newera bi ruhê serhildanî wirzê payan ser. Şaro ke esîr o xora çîyo ke vînî bikero çîn o. Ma reyna dormeyê Rayberîye de bibê çemberê adirî. Têna ê yê ke mergî mirnenî eşkenê bibê fedayî. Ma rewna merg bin fînayo. Şoriş ma paweno û ê yê ke ruhê ci  bi adirê şorişî vêşeno - eşkenê tewrê na govende bibê. Ez pê bawer a ke şerê şarê şorişgêrî do serkewtişê qetî bîyaro…

 Bijî Serok Apo!

Bê Serok jîyan nabe!

Bijî Şerê Gel ê Şoreşgerî!

 Keyeyê mi yê erjîyayeyî rê;

Sere de ez wazena şima bizanê ke ez pê sere berz a ke keyeyê wina welatperwerî de ameya dinya. Zanayîşê welatperwerîye ke şima da mi bi felsefeya cuyeya mi. Seba ke sey ewlatêk bibê layikê şima ez tewrê têgêrayîşê azadîye bîya. Ganî şima raşt nizdîyê çalakîya mi bê û wayîrê ci bivejîyê. Vera polîtîkayanê dişmenî milê xo çewt nêkerê. Ê ke kenê ke çalakîya mi xelet bidê famkerdene vera înan tewir bigîrê. Ez zana ke şima goştarîye vatişanê xeletan nêkenê û semedê mi sîya girê nêdanê. Tewirê xo yê biîrade bipawê.Şima ra têna waştişê mi o yo ke mikaqtê wayanê mi bibê. Ez şima pêrune ra zaf hes kena. Ez lew nana destê dadî û babîyê xo rê, heme wayûbirayanê xo rê selam kena.

''Saetêke ciwîyayîşo azad hezar serranê ciwîyayîşê koleyî ra dahîna erjîyaye yo''

Wa Biciwîyo Rayber Apo!

Wa Biciwîyo Fedayîyo Tewr Pîl Rayber Apo!

Wa biciwîyo têkoşînê ma yê azadîye yê PKKyî!

Wa bimiro îxanet!

Wa bimiro raştîya faşîste ya komara tirke!

 

Bi selam û hurmetê şorişgêrî

Rojger Hêlin

15.08.2024"