Koordînasyonê PAJKî bi eşkerayîyêke şehîdê çalakîya fedayîye ya vera TUSAŞî yad kerdî. Eşkerayîye wina ya:

''Ma çalakîya TUSAŞî ya embazanê ma Asya Alî û Rojger Hêlîn selam kenê. Embazanê ma Asya û Rojgerî bi çalakîya xo ya fedayîye vera Komployê 9ê Teşrîna Verêne, vera tecrîdê serê Rayber Apoyî û vera hêrişanê dewleta qirkere tewirê xo mojna. Ma nê tewirî zî selam kenê û serkewtişê gerîlayanê ma, şarê ma û têgêrayîşê azadîye fîraz kenê. Na çalakîye ruhê fedayî yê pêro ciwanan ê. 

Ganî dewleta  îşxalkere û hêzê komplogerî bizanê ke hinî şarê kurdî tecrîdê Îmraliyî rê tehamul nêkenê. Dewleta tiirke vera Rojawan, Şingal û Başûrî hêrişanê xo rê dewam kena û merdimanê sivîlan qetil kena. Koyan de zî vera gerîlayan çekanê kîmyewîyan şuxilnena la gerîlayî nê hêrişan bêcewab nêverdanê. 

Dewleta tirke komelî xapînena û vana ke gerîlayî qedîyayê. La wa her kes bizano ke gerîlayî do qetî nêqedê û bi hezaran milîtanê sey Asya û Rojgerî bîyê milîtanê pisporî. Gerîlayî erkê xo yê pawitişî de sînoran nêşinasnenê. Çalakîya vera TUSAŞî zerrîya faşîzmî ya artêşa Tirkîya û sîyasetê ci serûbin kerd.

Weşî, asayîş û azadîya Rayber Apoyî hertim merkezê têkoşînê ma de yê. Seba pêkerdişê dewleta tirke û kurdan ganî sîstemê Îmraliyî bêro wedaritene. Nê rayîrê ber rayîrêk şaş o. Rayîrê demokrasîyî û azadîye yo raştikên Îmraliyî ra derbaz beno. 

Ruhê Apogîrî û gerîlatîye de israr îradeyê azadîye yê vera hêrişan û îmhakerdişî yo. Şexsê Bêrîtanan, Zîlanan, Sarayan û Rûkenan de şexsê Rojhat û Erdalan de şexsê Asya û Rojgerî de şaro azad, cinîya azade û camêrdo azad eşkera yo. Mesajê înan sondê serkewtişî yo, israrê cuya azade, camêrdê azadî û komelê azadî yo. Famkerdişê embazanê ma Asya û Rojgerî û pêro şehîdanê ma famkerdiş û caardişê hemratîya raştikêne ya bi Rayber Apoyî yo. Hemleya 'Rayber Apoyî rê Azadîye, Meseleya Kurdan rê Çareserîye' bi tewirê embazanê ma Asya û Rojgerî dewam kena. Ma pêro şehîdanê têkoşînê azadîye yad kenê û sereyê xo verê nînan de anê war.''