Fermadarîya Pêroyî ya YPJyî bi wesîleya 1ê Teşrîna Verêna ya Roja Kobanê ya Dinya eşkerayîye nuştekîye daye û nê vatî:

''Çeteyê DAÎŞî sere de cinî û komel dişmenê pêro şaran, azadîyan, demokrasî, estbîyayîş û cuya bianore yê. Nê semedî ra cinîyan û şaran vera na raştîye waşt  têkoşînê hemparî yê xurtî bikerê. 1ê teşrîna verêne ya 2014î de çar hetanê dinya de kuçeyan û meydanan de qelbî û aqilî bîyî yew. Japonya ra heta Afganîstanî û Îranî, Amerîkaya Latîne ra heta Avusturalya bi yew vengî paştî dîyaye xoverdayîşê Kobanê. Cinîyan ê kurdan, şervananê azadîye û şarê kurdî vera wehşetê DAÎŞî prosesanê zoran de bi fedakerdişê ganê xo têkoşîn kerd.

Nê xoverdayîşî mojna ke eke îradeyê merdimî bi eşqê azadîye bibo yew, qet çîyêk, qet astengêk û qet dişmenêk nêeşkeno verê serkewtişî bigîro. 1ê teşrîna verê de gama ke heme dinya de slogana 'Bijî Berxwedana Kobanê' bîyêne berz, şervananê YPJ-YPGyî û gerîlayanê azadîye yê Kurdîstanî derbê girdî dayî çeteyan ro têkoşîn bi global.

Ewro serrgêra 10. ya tarîxî de yewbîyayîş û têkoşînkerdişê cinîyan û şaran dahîna zaf hewce keno. Sîstemo kapîtalîst  û hêzê îşxalkerî hema hêrişê destkewteyanê şarî kenê. Tehlukeyê DAÎŞî hema bi temamî werte ra nêameyo wedaritene. Dewleta tirke ya faşîste sebe ke çeteyê DAÎŞî çîn mebê çîyo ke destê ci ra yeno kena. Efrîn, Serêkaniyê, Îdlîb û Girê Sipî de yê ke ameyî îşxalkerdene, çeteyê DAÎŞî ameyî cakerdene.Tewr peynî de Başûrê Kurdîstanî de zî çeteyî ameyî cakerdene. Na rewşe zaf tehlukeyin a. Coka ganî şarê Rojhelatê Mîyanênî û dinya na rewşe teqîp bikerê û vera ci tewir bigîrê. Seba ke ma verê çeteyanê DAÎŞî bigîrê û tehlukeyê serê azadîya xo wedarê, ganî ma bi ruhê Kobanê xo bipawê û têkoşînê xo mîyanê yewîye de rayra bêrê.

Ma sey YPJyî semedê pawitişê estbîyayîş û azadîya cinîyan û şaran do çirey mevindê. Ma do bi ruhê xoverdayîş û serkewtişî yê Kobanê peynîya îşxalî bîyarê û ser bikewê. Ma veng danê  şarê xo û cinîyan û şaranê ke azadîye wazenê wa têkoşînî xurtêr bikerê.''