Merkezê Îrtîbat û Çapemenîye yê Hêzanê Sûrîyeya Demokratîke (QSD) da pêhesnayene ke hêzanê înan vera hêrişanê îşxalî yê dewleta tirke Til Temirê Kantonê Cizîre û Eyn Îsayê Kantonê Firatî de 3 çalakîyê qesasî yê cîya cîyayî kerdî.

Eşkerayîye de ame vatene ke hêzanê QSDyî vera hêrişan çalakîyê bitesîrî kerdî û waranê binê îşxalî de derbeyê girdî dayî artêşa tirke û çeteyanê ci ro.

QSDyî vat Til Temir de vizêr vera baregehê îşxalkeran çalakîye ameye kerdene,8 îşxalkerî birîndar bîyî 3 wesayîtê leşkerî ameyî îmhakerdene.

Eynî roje dewanê Seyda û Mezre yê Eyn Îsayî de baregehê îşxalkeran ameyî pirodayene, xeylêk leşerî birîndar bîyî.