Hêzanê Xelisnayîşê Efrînî (HRE) derheqê çalakîyanê xo de eşkerayîye daye û nê vatî:

''Hêrişanê îşxalî yê dewleta tirke û çeteyanê ci yê vera Rojawanî çalakîyê ma yê qesasî dewam kenê.

Tîma ma ya Şehîde Avêsta 19ê teşrîna verêne de Ezaz de operasyonê nîşandarê tûjî kerd. Netîceya çalakîye de çeteyêko îşxalker ame kiştene.

25ê teşrîna verêne de zî xeta Mare de çalakîya nîşandarê tûjî de îşxalkerêk ame cezakerdene.

26ê teşrîna verêne de çeteyanê îşxalkeran kerd ke hêrişê xeta Şerawa bikerê. Hêzanê bi hewayêkê bitesîrî cewabê ci da. Pêkewtiş de çeteyê ke merdî meyîtê înan herême de mendî. Gama ke înan kerd ke meyîtan bigîrê hêzanê ma reyna da piro. Pêkewtiş de serçeteyêko bi nameyê Ehmed Raid Meldeunî û di îşxalkerî ameyî kiştene û 3 çeteyî birîndar bîyî. Eynî roje bi operasyonanê taybetan baregehê dewleta tirke ya îşxalkere yê Bab, Mare û xeta Şerawa de hedef ameyî girewtene, 11 leşkerê dewleta tirke birîndar bîyî.

Netîceya çalakîyanê hêzanê ma de 5 çeteyî ameyî kiştene û 11 leşkerê tirkî û 3 çeteyî birîndar bîyî.''