Yewîya Sendîkayanê Karkeran a Baskî (LAB) bi wesîleya serrgêra Komployê 9ê Teşrîna Verêne dîmenêk weşana. 

Dîmenan de endam û îdarekaranê LABî çarçewa Hemleya 'Abdullah Ocalanî rê Azadîye, Meseleya Kurdan rê Çareserîye' de alê PKKyî berz kerdî û afîş û fotografê Ocalanî akerdî.

Vervatoxê LABî Koldo Saenzî eşkerayîya serê babete daye û vat: ''Ewro serrgêra destpêkê Komployê Mîyanneteweyî ya. Abdullah Ocalan 26 serran o mîyanê şert û mercanê tecrîdî de tepişîyeno. Sey LABî ma azadîya Ocalanî wazenê. Seba çareserîya demokratîke ya meseleya kurdan azadîya Ocalanî zaf girîng a.''

LABî 15ê sibata 2023yî de welatê Baskî de 6 sendîkayan reyde kombîyayîşê çapemenîye kerdbi. Sendîka seba serkewtişê Hemleya Azadîye xeylêk çalakîyî zî kerdbî.