MHME seba barbarîya bodrumanê Cizîre Tirkîya ra pawitiş waşt
MHME muracatan ser o seba sivîlanê ke wextê qedexeyê tebervejîyayîşî yê Cizîre de bodruman de ameybî qetilkerdene Tirkîya ra pawitiş waşt.
BARBARÎYA BODRUMAN
Wextê qedexeyê tebervejîyayîşî yê 2015-2016î de qezaya Cizîre ya Şirnexî de 137 kesî ameybî qetilkerdene. Derheqê ney de muracatê Mehkemeya Heqanê Merdiman a Ewropa (MHME) amebi kerdene.
Roniştişê mehkeme 13ê teşrîna peyêne ya 2019î de amebi kerdene. MHME derheqê roniştişî de bira dabî û seba dewa vatibî ‘nêameye qebulkerdene.’
Avûkatan muracatê Mehkemeya Qanûnê Bingeyî (AYM) zî kerd la seba ke na mehkeme zî dewa red kerde avûkatan ancî muracatê MHME kerd.
MHME 22yê gulane de Tirkîya ra derheqê babete de pawitişêk waşt.
Avûkatan ra Ramazan Demîrî derheqê babete de vat: ‘’Dosyayê qirkerdişê bodruman rojdemê MHME de yê. MHME Tirkîya ra pawitiş waşt.’’
