Meclîsê Şarê Kurdî yê Londonî Nazim Yuce (Agît) o ke 25ê çeleyê 1998î de şehîd bi û Salîh Azgan (Cahît) o ke Rojawan de şehîd bi yad kerdî.

Keyeyê Yuce û Azganî, temsîlkarê rêxistinanê demokratîkan û bi seyan kesî tewrê merasîmê yadkerdişî bîyî. Deqayêkê rêzgirewtişî ra dima derheqê Azganî de sînevîzyonêk ame mojnayene.

Wendişê şîîran ra dima derheqê Nazim Yuce (Agît) de ke serra 1992î de Brîtanya de tewrê PKKyî bibi û serra 1998î de şehîd bi ame mojnayene.

Merasîmê yadkerdişî de mesajê KCDK-E ame wendene û ame vatene: "Ewro dinya PKK û şarê kurdî nas kena. Eke şehîdê ma nêbîyêne ma nê rojê rûmetênî nêdîyêne. Naye ra ganî ma hîna zêde têkoşîn bikerê. Ma do alaya Agîr û Cahîtî qet war de nêverdê, tim berz bikerê."

Nameyê keyeyê Salîh Azganî Mustafa Azganî qisey kerd û vat ke Salîh Azgan aşiqê Kurdîstanî bi.

Endamê Komîteya Keyeyanê Şehîdan a Meclîsê Şarê Kurdî yê Londonî Alî Poyrazî zî vat: "Şehîdan qet çok nêda erdî ro. Ne vera faşîzmê tirkan ne zî vera barbaranê DAÎŞî.''

Merasîm bi sloganê ''Şehîdî nêmirenî'' qedîya.