Nobeta Azadîya ke semedê azadîya Rayberê Şarê Kurdî Abdullah Ocalanî  25ê hezîran a 2012î de verê Konsoyê Ewropa ya bajarê Strasbourgî ya Firansa de ameye destpêkerdeneî  kewte serra 8. Endamê Komîteya Organîzkerdişê Nobeta Ocalanî rê Azadîye Zulfu Bîngolo ke ANFyî rê qisey kerd,  nobete sey çalakîyêka xoverdayîşê tarîxî name kerd û vat. Heta azadbîyayîşê Rayberê ma do çalakîya ma dewam bikero.

2 Hezar 775 Rojî yê Nobete Yena Tepiştene

Wayîrê fikirê na çalakîye Essa Moosa yo ke Afrîkaya Başûr de pîya bi Nelson Mandelayî hemverê rejîmê Apartheîdî yê nîjadperestî de mucadele kerdêne. Moosayî heman wextî de avûkatîya Mandelayî zî kerdebî. Nobeta Ocalanî rê Azadîye rekorêko tarîxî şikit. Heta Ewro bêmabên dewam kena.  2 hezar 775 rojî yê ke nobete bi qerardarîya girde yena tepiştene.

Nêzdê 2 Hezar Kesan Tewrê Ci Bîyî

Her hewte grûbêka newî welatêkê cîyayî yê Ewropa de nobete gêna û pîya bi serd, germ û varanî her roje waştişê seba azadîya Ocalanî anê ziwan. Nobedarî her roje saete 07:30 de dest bi çalakîye kenê û heta saete 16:30 de derheqê Ocalanî de vilawekan vila kenê û merdiman dir dîyalogan virazenê. Zulfu Bîngolî vat: ''397 hewteyan nêzdê 2 hezar kesan tewrê çalakîye bîyî. Pîya bi kurdîstanijan dostê kurdan ê ewropayijî zî tewrê çalakîye bîyî. Çalakîye derheqe cuya û felsefeyê Ocalanî de zanayîş yeno dayene. Seba ke cayê çalakîye cayêko turîstîk o ma resenê kesanê ke her hetê dînya ra yenê. Xeyrê na çalakîye Rayberîye ma heme dinya de yeno naskerdene. Derûdorê ra ma rê yeno vatêne ke  çalakîya winayêne îrade wazena.  Vera nê vindertişê qerardarî  qet hêzêk nêeşkeno vindero. No îredayê ma do peynîra tewr peynî Rayberîye azad bikero. Heta azadbîyayîşê Rayberîye do çalakîya ma dewam bikero.