Nobeta Azadîye ya ke  semedê azadîya Rayberê Şarê Kurdî Abdullah Ocalanî bajarê Strasbourgî yê Fransa de serra 10. de dewam kena, hewteyê 482 de hetê koma Giessenî ra ameye dewrgirewtene.

Koma Giessenî de Şerif Hezex, Esta Serhat, Xebat Mardîn û Mecit Botan ca genê.  Şerîf Hezexî ke bi nameyê kome qisey kerd ard ziwan ke heta azadîya Ocalanî kurdî do çalakîyanê xo rê dewam bikerê. Hezexî bale ante hêrişanê dewleta tirke yê vera kurdan ser û vat dezgehê eleqedarî yê Ewropa vera hêrişan bêveng ê. Hezexî veng hêzanê mîyanneteweyî ke wa vera tecrîdî û sûcanê şerî yê ke dewleta tirke kena berpirsîyarîya xo bîyarê ca. Hezexî polîtîkaya dîrîye ya Ewropa zî şermezar kerde û vat Tirkîya bêvengîya Ewropa ra paştî gena û hêrişanê xo zafêr kena. Hezexî vat şarê kurdî heme hemkarîyanê leyminna vîneno û heta netîcegirewtiş do tim payan ser bo.