Çalakîya nobeta ''Seba Ocalanî Azadîye'' verê bînaya Konseya Ewropa ya Strasbourgî ya Fransa de bi tewrbîyayîşanê neweyan dewam kena. Çalakîya nobete kewte hewteyê 400. û şaristanê Montpellierî yê Fransa ra komêke nobete girewte. Kome de Cevat Guneş, Azad Şirnex, Haydar Çewlîk û Bakî Alça estê.

Nameyê kome ser o Cevat Guneşî pare kerd ke Komployê Mîyanneteweyî yê vera Rayberê Şarê Kurdî Abdullah Ocalanî rojêka reş o û kurdî seba ke wayîrê Ocalanî bivejîyê her cayê dinya de têkoşîn kenê.

Guneşî bale ante ser ke şarê kurdî 8 serran ra nata na çalakîye dewam keno û vat: ''Wa kes ma ra nêwazo ke ma Rayberîye xo vîrî ra bikerê. Ma do her wext pabesteyê Rayberê xo bibê.''

Çalakîya ''Seba Ocalanî Azadîye'' 25ê hezîranê 2012î de dest pêkerdbi. Meydanê çalakîye de bînayê Mehkemeya Heqanê Merdiman a Ewropa, Komîteya Vergirewtişê Îşkenceyî (CPT) û Parlamentoya Ewropa estê.