Nobeta Azadîye ke semedê azadîya Rayberê Şarê Kurdî Abdullah Ocalanî Bajarê Strasbourgî yê Fransa de verê Konseya Ewropa de yena kerdene hewteyê 430. de ya. Nobete no hewte hetê endamanê TEV-ÇANDî Seyîdxan, Narîxane Hezax, Reber Serhat û Zarîfe Zerîn ra yena rayraberdene.

Hozan Seyîdxanî ke bi nameyê grûbe qisey kerd vat: ''Şarê kurdî prosesêkê muhîmî ra ravêreno. Tecrîdê serê Rayberê Şarê Kurdî Abdullah Ocalanî serranê peyênan de xorîyêr bîyo. Tecrîd têna zîndanan de nê serê Kurdîstanî de yeno rayraberdene. Vera bêvengîya komelê Ewropa 9 serrî yo kurdî tîya nobete tepişenê.''

Hozan Seyîdxanî da veng da ke wa her kes ewro tewrê eşkerayîya çapemenîye ke  ê do Strasbourg de bide, bibo û vat: ''Gerek vera qirkerdişanê AKPyî hunermendî, kurdî û dostê înan bêrê têhet û tewirê xo ramojnê.''

Çalakîya Rayberê Şarê Kurdî Abdullah Ocalanî rê Azadîye 25ê hezîrane 2012î ra nata yena rayraberdene.