Nobeta Azadîye her hewte şaristanê Strasbourgî yê Fransa de pê komêka cîya yena kerdene û emser serra 9. ya çalakîya nobete ya. Nobeta Azadîye 25ê hezîrana 2012î ra nata seba azadîya Rayberê Şarê Kurdî Abdullah Ocalanî yena kerdene.

Çalakîye verê Mehkemeya Heqanê Merdiman a Ewropa, Konseya Ewropa, Parlamentoya Ewropa û Komîteya Vergirewtişê Îşkenceyî ya Konseya Ewropa (CPT) de yena kerdene. 

Nobeta Azadîye hewteyê 453. de ya. Nobetdarê nê hewteyî Parisî ra Kamber Aydin, Alî Yorulmaz û Ahmet Gerçek ê.

Ahmet Gerçekî nameyê kome ser o qisey kerd û grevê vêşanîye yê tepişteyan selam kerd. Gerçekî Mahmut Yildiz û Halîl Şenê ke çalakîya fedayî kerde, yad kerdî û pare kerd ke tecrîdê vera Rayberê Şarê Kurdî Abdullah Ocalanî tecrîdê vera kurdan o.

Gerçekî vat: ''Heta ke Rayberê ma azad nêbo ma nêeşkenê qala azadîya xo bikerê. Heta o azad bibo çalakîyê kurdan do dewam bikerê.''