Nobeta Azadîye ya ke 25ê hezîrana 2012î de bajarê Strasbourgî yê Fransa de semedê azadîya fîzîkîye ya Rayberê Şarê Kurdî Abdullah Ocalanî dîyaye destpêkerdene, bi qerardarîye yena domnayene.

Hewteyê 474. de koma kurdîstanijan a şaristanê Bremenî nobete dewr girewte. Koma ke do hewteyêk çalakîye bidomne de Haîl Riha, Abdullah Qamişlo û Lutfî Kanîreş ca genê.

Halîl Riha ke bi nameyê kome qisey kerd verî Şorişê Rojawanî pîroz kerd û vat: ''Pê tecrîdî wazenê Rayberîye û şarî yewbînan ra raqilnê ke destkewteyê kurdan bi temamî bêrê çînkerdene. Pîya bi tecrîdî hêrişê îşxalî yê vera Kurdîstanî yenê xurtkerdene. Ma sey kurdan tim vanê ke çareserî pê şerî nêbena. Reyberîya ma mefteyê çareserîya meseleya kurdî yo. Ganî welatê Ewropa paştî nêdê hêrişê dewleta tirke yê vera kurdan. Ma tîya ra zî reyna vanê ke heta azaadîya Rayberîye û Kurdîstanî têkoşînê ma do dewam bikero.''