Çalakîya Nobeta Ocalanî rê Azadîye ya ke vernîya Konseya Ewropa (KE) ya bajarê Strasbourgî yê Fransa de yena viraştene kewte hewteyê 376’ine.
Çalakîya ke her hewte bajaranê cîya-cîya yê Ewropa ra Kurdistanijî rayra benê û menge de tewr tay rayêk endamê Têgêrayîşê Cinîyan ê Kurdan ê Ewropa (TJK-E) dewr genê, no hewte hetê Daxîl Îbrahîm, Evdilla Goktaş, Azîz Ektîren û Ramazan Ozgun ê ke bajarê Saarbruckenî yê Almanya ra ameyî yena rayraberdene.
Grûba ke roja Yewşemeyî çalakîye endamanê Federasyonê Elewîyan ê Demokratîkî (FEDA) ra dewr girewte eşkerayîyêk daye û waşt ke her kes wayîrê çalakîye bivejîyo. Eşkerayîya ke hetê çalakgeran û endamê Komîteya Amadakarîye ya Nobata Azadîye Zulfu Bîngolî ra ameye dayene de Rojeyê Elewîyan ê 12 Îmamî zî ame bimbarekkerdene.
Çalakîya Nobeta Ocalanî rê Azadîye ya ke 25’ê Hezîran a 2012’î de dest pêkerdebî 7 serrî ra vêşêr o bêmabên dewam kena. Çalakîya tewr derge ê Kurdan Nobeta Ocalanî rê Azadîye heta nika 2 hezar ra zafêr Kurdî û dostê înan tewrê ci bîyî.