Nobeta 'Ocalanî rê Azadî'ya ke 25'ê Hezîrana 2012 de verê bînaya Konseya Ewropa ya Strasbourgî de dest pêkerde bi qerardarîye dewam kena.

Koma nê hewteyî Berlînî ra Mervan Aykal, Hasan Çatal û Davût Başî ra yena meydan. Koma Berlînî tewiro bêveng ê Konseya Ewropa û Komîteya Vergirewtişê Îşkenceyî (CPT)yê verba tecrîdê Ocalanî bi hêwayêkê pîtî rexne kerd. Çalakgeran pare kerd ke Ocalan û şarê Kurdî rê zulm yeno kerdene û vat, "Ma, Kurdî edeleto rastikên wazenê. Dezgehê ke derheqê her çîyî de çareserîyan pêşkêş kenê, eke babete Ocalan bibe bêveng manenê." Eşkerayîya çalakgeran de ame îfadekerdene ke şarê Kurdî do verba hêrişanê îşxalkarîye xo ver bido û vat, bêvengîya komelê mîyanneteweyî ya verba Rojawanî nêna qebulkerdene.