Rayraşîyayîşê dergî bi rayberîya FED-MEDî, YJK-E û NRWyî bi şîara ''Seba azadîye û weşîya Ocalanî û vera îzolasyonî ma xo ver bidê'' vera Komployê Mîyanneteweyî yê 15ê Sibate yeno kerdene perey Dusseldorfî de dest pêkerd û vizêr bi beşdarîya bi seyan çalakîkeran dewam kerd. Rayraşîyayîşê dergî bi coşêkê pîlî qedîya.

Şaristananê Dortmund, Essen, Duisberg, Munster, Biefeld, Koln, Dusseldorg û Bonnî de kurdîstanijî beşdarê rayraşîyayîşî bîyî.

Girseyî vizêr saete 10:00 de verê DGB Haussî de kom bîyî û bi kincanê ke ser de nuşteyê ''Seba Ocalanî Azadîye'' nuştêne rayîrî ra şîyî. Rayraşîyayîş de pankarta bi nuşteyê bi ziwanê Almankî ''Komployê Mîyanneteweyî yê Vera Ocalanî ma şermezar kenê'' ameye berzkerdene.  Rayraşîyayîş de zaf vilawekî ameyî vilakerdene. Hetê bînî ra rayraşîyayîşê dergî de sloganê şermezarkerdişê komployî û azadîya Rayberê Şarê Kurdî Abdullah Ocalanî ameyî berzkerdene.

Merkezê şaristanî de nawnayîşêk ame kerdene û nameyê FED-MEDî ser o wina ameye qiseykerdene: ''Azadîya şarê kurdî bi azadîya Rayberîye mumkîn a. Eke şima wazenê Rojhelatê Mîyanênî de çareserîyêka mende aver berê, na azadîya Rayberê Şarê Kurdî Abdullah Ocalanî ra derbaz bena.'' Dima vilawekî ameyî wendene û rayraşîyayê di rojan bi sloganê ''Biciwîyo Serek Apo'' qedîyayî. Peynîya rayraşîyayîşî de venga beşdarbîyayîşê rayraşîyayîşê protestoyanê komloyî yê ke 15ê sibate de Strasbourgî de do bêrê kerdene ame kerdene.