Operasyonê qirkerdişê sîyasî yê vera ESPyî paytextê Fransa Paris û şaristanê Stuttgartî yê Almanya de ameyî protestokerdene.

Paris

Paris de bi beşdarîya şar û rêxistinanê çepgîran operasyonî ameyî şermezarkerdene. Çalakîye de dîya zanayene ke operasyon de 51 kesî ameyî destbendkerdene.

Nameyê CDK-Fyî ser o Necmettîn Demîrkapiyî qisey kerd û vat: ''Kurdîstan û Tirkîya de her kes binê tecrîdî de yo.''

Çalakîye pê sloganan qedîyaye.

Stuttgart

Stuttgart de rayberîya AvEG-Kon û Yewîya Cinîyan ê Sosyalîstan de seba protestoyê operasyonan çalakîyêke ameye kerdene.

Çalakîye de pankarta bi nuşteyê 'vera faşîzmî paştdayîş' ameye akerdene û sloganê sey 'ESP tîya de yo, hêvî payan ser o yo' ameyî  vatene.