Ciwanan çalakîya rayraşîyayîşê dergî Mannheim de dewam kerde Çalakîye de 15 çalakîkerê Îspanya û Katalanya, 25 çalakîkerê almanî estbî. Înan ra yew zî Pablo Vazquezo 21 serre yo. Pablo Girawa Kanarya ra yo î reya diyîne beşdarê rayraşîyayîşê dergî beno.

Pandemî ra zaf çalakîkerê enternasyonalîstî nêeşkê tewrê rayraşîyayîşî bibê. La komîteya amadekarîye ya Katalanya da zanayene ke ê do binê pêro şert û mercan de zî tewrê çalakîye bibê.

Pablo 5 rojan rayîrî ra bi. Pabloyî wina qala armanc û hîsanê xo kerde: ''Tîya de seba awankerdişê dinyayêka newîye hêvî esta. No zî hêvî dano mi.Dinya de her roje îqtîdar beno pîlêr. Herinda ke ma cayê xo de ronişê ma ganî vera îqtîdarî sereyê xo wedarê. Mi prosesê Şorişê Rojawanî de Têgêrayîşê Azadîye yê Kurdan şinasna. Awanîya Konfederalîzmê Demokratîkî yê Rojawanî seba pêro dinya bena mîsal. Mi kitabê Birêz Ocalanî wendî û ez zaf binê tesîrê fikranê ey de menda. Ocalan îdeologêk o. O têna tarîxî ser o nênuseno. Ez zî seke her keso ke wazeno Ocalan azad bibo, tewrê çalakîyan bena.''

Çime: Yenî Ozgur Polîtîka