Paris de serrgêra 45. ya PKKyî ameye selamkerdene
Paytextê Fransa Paris de serrgêra 45. ya ronayîşê PKKyî ameye pîrozkerdene.
Paytextê Fransa Paris de serrgêra 45. ya ronayîşê PKKyî bi tewrbîyayîşê bi seyan kesan ameye pîrozkerdene. Şewa ke rêzgirewtişê semedê şehîdanê têkoşînê azadîye yê kurdan ameye destpêkerdene de serrgêra 45. ya PKKyî ameye selamkerdene.
Qiseykerdişan de ame vatene ke Abdullah Ocalan û PKK bîyî wesîleya newera ganîkerdişê şarêkî yo ke çîn hesibîyayêne.
Şewe de bi deyîranê kurdkî yê Farqîn Azad, Menal, Silbus û Tari, Hozan Marufî govende ameye girewtene.
