Paytextê Fransa Paris û bajarê Marsilya de semedê protestokerdişê Komployê 15ê Sibate yê vera Rayberê Şarê Kurdî Abdullah Ocalanî rayraşîyayîşê dergî dest pêkerd.

Paytext Paris de rayraşîyayîşê seba 3 rojan Meydanê Denfert-Rochereau de ame destpêkerdene. Çalakîya ke xeylêk kurdîstanijî tewrê ci bîyî de vilaweka firansizkî ameye wendene. Çalakîye de hêrişê vera Garê zî ameyî şermezarkerdene û xoverdayîş gerîlayan ame selamkerdene. Rayraşîyayîş ewro heta Invalidesî do dewam bikero. Siba zî do Nation de dest pêbikero. Roja hîrêne de zî do pê rayraşîyayîşê ke pîlî République de dest pê bikero û pê mîtîngêk biqedîyo.

Marsilya rayraşîyayîşo ke do 3 rojî dewam bikero pê 153 kesa dest pê kerd. Çalakîye verê Şaredarîya Da Martiguesî de dest pêkerd. Bajaranê sey Bordeaux, Toulouse, Montpellier û Dragounyanî ra xeylêk kesî tewre ci bîyî. Çalakîye de vilaweka firansizkî ameye wendene. Roja verêne rayraşîyayîş do Martiguesî ra heta Marignane dewam bikero. Siba Marignane ra heta St Antione  û roja peyêne zî do St Antione ra heta Meydanê Jouliette Marsilya dewam bikero. Çalakîye do Meyndane Vieux Portî de bi mîtîngêk biqedîyo.