Serkêşîya Meclîsê Şarê Kurdî yê Brîtanya û Centre For Kurdish Progressî de Parlamentoyê Brîtanya de resepsîyonê Newroze ame kerdene. Wekîla Partîya Karkeran Feryale Clark Demîrcî wayîrîya resepsîyonî kerde. Hemserekê KNKyî Ahmet Karamus, Wekîlê Partîya Neteweyî ya Skoçya (SNP) Chris Stephens, sîyasetmedar Osman Baydemîr, Serpîle Kemalbau û temsîlkarê rêxistinanê kurdan tewrê resepsîyonî bîyî.

Partîyanê cîyayan ra wekîlî Ruqa Haq, Jack Lopresti, Mark Eastwood, Barones De Souza Lord Kinnock, Marsha De Cordova, Florence Eshalomi, John Spellar, Virendra Sharma, Jeremy Corbyn, Matt Western, Lloyd Russel-Moyle, Crispin Blunt, Andrea Jenkyns zî tewrê resepsîyonî bîyî.

Resepsîyon de rewşa çar parçeyanê Kurdîstanî ameye ercnayene. Qiseykerdişan de Newroze ameye fîrazkerdene, qalê girîngîya têkoşînê kurdan ame kerdene û ame vatene ke seba çareserîya meseleya kurdan ganî Rayberê Şarê Kurdî Abdullah Ocalan azad bibo. 

Qiseykerdişan ra dima resepsîyon bi hunerê koma erbaneyan qedîya.