Konferanso 16. yê  bi nameyê ''Yewîya Ewropa ya Mîyanneteweyîye, Tirkîya, Kurdî û Rojhelato Mîyanên''  5-6ê sibata 2020î de do Parlamentoya Ewropa de bêro serûberkerdene.

Goreyê bernameyo ke Hemseraka Komîsyona Hemwelatan a Tirkîya û Yewîya Ewropa (EUTCC) Prof. Dr. Kariane Westrheim pare kerd Çepê Başûrî yê Keskan û Çep (GUE/NGL), Keskî /îtîfaqo Azad ê Ewropa  (Greens/EFA), û Gruba Demokratan û Sosyalîstan (S&D) paştî danê konferansî.

Emser zî zaf kesê girîngî do pawitoxîya konferansî bikerê ke înan ra tay kesî nê yê: Rayberê dînî yê Afrîkaya Başûrî û wayîrê Xelata Azadîye ya Nobelî Desmond Tutu, pawitoxa heqanê merdiman a îranije Şîrîn Ebadî, temsîlkara haştîye ya Konseya Ewropa Bianca Jagger, ziwannas û fîlozof Noam Chomsky û wayîra xelata Sakharovî wekîla HDPyî Leyla Zana.

5ê sibate roja çarşemeyî mabênê saetanê 14:30 û 15.30 de sereka EUTCCyî Prof. Dr. Kariane Westrheim û zaw wekîlê Parlementoyê Ewropa (PA) do destpêkê konferansî de qisey bikerê. Nameyê nê wekîlî wina yê:

Danîmarka ra Nikolaj Villumson, endamê European United Left/Nordic Green Left (GUE/NGL)

Awusturya ra Andreas Schieder, endamê S&Dyî

Fransa ra François Alfonsi, endamê Greens/EFA 

Yunanîstan ra Dimitrios Papadimoulis, hetkarê serekî yê Parlamentoya Ewropa

Akerdişî ra dima bi sernameyê ''Tirkîya de Teda û Xoverdayîş'' panelêk do bêro kerdene.Endamê EUTCCyî û akademîsyenê Zanîngehê Wageningenî do panek îdare bikero. Fransa ra endamê  Greens/EFA Benoit Biteau do beşdarê panelî bibo. Panel de wekîlê CHP, HDP û Partîya Saadetî zî do babetanê cîyayan de pêşkêşî bikerê.

Nameyê wekîlan û sernameyê pêşkêşê înan wina yê:

-Temsîlkarê CHPyî: Tirkîya de merkezê îqtîdarî û muxalefet

-Wekîlê Partîya Saadetî Cîhangîr Îslam: Mabênê yewîye û cîyatîye de muxalefet

-Wekîla HDPyî Gulîstane Koçyîgît: Tirkîya 2022; Demokrasî vera dîktatorî yo

Panelo Diyîn

5ê sibate de zî mabênê saetanê 17.00-18.30 Room ASP 1G2, Altiero Spinelli Building (ASP) de panelo diyîn do bêro serûber kerdene û têkilîyê YA-Tirkîya, krîzê multecîyan û kurdî do bibê sernameyê panelî. Moderatorîya panelî hetê Prof. Dr. Cengîz Aktarî ra do bêra kerdene.

Nameyê beşdaran û sernameyê pêşkêşê înan wina yê:

- Hollanda ra wekîla PA Tineke Strik, Greens/EFA: Krîzê Multecîyan û Cewabê Ewropa

- Almanya ra wekîlê PA Udo Bullmann, S&D: Muzakerê Beşdarbîyayîşî

- Avûkat Jan Fermon: Mesela Kurdan û Ewropa

- Avûkata Buroyê Huqûqî yê Asrinî Newroze Uysal: Noqtaya Girînge: Îmrali: Seba haştîye hêz

Bernameyê 6ê Sibate

Mabenê saetanê  09.30-11.00 de bi moderatorîua endama Gruba S&Dyî Evîne Încîr bi sernameyê ''Prosesê îşxalê Tirkîya yê vera Vakur û Rojhelatê Sûrîye de Rojhelato Mîyanên'' do bêro kerdene.

Beşdarî:

- Fransa ra Leila Chaibi, endama GUE/NGLî: Îşxalê Tirkîya yê Vera Rojawanî

- Misirî ra Akademîsyen Dr. Gamal Soltan: Rêçê Împaratorîya Osmanijan de: Xîretê  Hêzî yê Tirkîya

- Danîmarka ra wekîlo verên Soren Sondergard: Kurdî

- Akademîsyenê Zanîngehê Tennessee State yê DYA Kirmanc Gundî: Qirkerdişê Tirkîya yê Vera Kurdan û Şaranê Bînan

- Rojnameger Ferda Çetîn: DAÎŞî ra Dima Xetê Pêkewtişê Etnîkî û Mezhebîyî

Mabenê saetanê 11:00-12:00 de reyna panelêk do bêro kerdene û Seham Kerio, Parwin Yousef ve Jihan Khudro sey qiseykerdoxan do beşdarê panelî bibê.

Mabênê saetanê 12.00-13.00 de panelê bi nameyê ''Rojhelato Mîyanên û Ewropa: Menfaatî vera demokrasîyî yê'' do bêro kerdene. 

Beşdarî:

- Îtalya ra endamê S&D Brando Benifei: Alozîya Rojhelatê Mîyanênî de Perspektîfê Ewropa

- Sîyasetnas û Akademîsyen Thomas Schmidinger: Ewropa û Têkoşînê Kurdan

- Endama KURD-AKADî û EUTCCyî Dersime Dagdevîren: Perspektîfê Kurdan ra Têdûştîya Cinsîyan, Demokrasî û Ekolojî

Mabênê saetanê 15.00 û 16.15î de panelê bi sernameyê ''Alternatîfî estî'' do bêro serûberkerdene.

Beşdarî:

- Sosyologe Nazane Ustundag: Komel prosesê şerî de senî xo rêxistin keno û perspektîf virazeno?

-Endama New World Summit  Aviva Stein: Averşîyayîşê Cinîyan ê Kurdan û Têkoşînê Înan ê Vera Qetilkerdişê Cinîyan

-Rojnameger Amed Dîcle: Newe ra Fikiryayîşê Demokrasîyî

-Tarîxnas Juan Carlos Guerra Moldonado: Caardişê Paştdayîşê Globalî
Mabênê saetanê 16:15 û 17:00 de hetê îdareyê EUTCCyî ra beyannameyê konferansî do bêro eşkerakerdene.

Konferans de qiseykerdişî do bêrê açarnayene kurdkî, îngilîzkî, tirkî, fransizkî, alamankî, îspanyolkî, yunankî.

Mumkîn o ke zanayîşê hîrayî yê derheqê konferansî de zî adresê [email protected] rê do bêrê girewtene.