Konferanso 16.  o ke yê bi nameyê ''Yewîya Ewropa ya Mîyanneteweyîye, Tirkîya, Kurdî û Rojhelato Mîyanên'' Parlamentoya Ewropa de rayberîya Komîsyona Hemwelatan a Tirkîya û Yewîya Ewropa (EUTCC) de yeno viraştene, Çepê Başûrî yê Keskan û Çep (GUE/NGL), Keskî /îtîfaqo Azad ê Ewropa (Greens/EFA), û Gruba Demokratan û Sosyalîstan (S&D) paştî danê ci.

Emser zî zaf kesê girîngî do pawitoxîya konferansî bikerê ke înan ra tay kesî nê yê: Rayberê dînî yê Afrîkaya Başûrî û wayîrê Xelata Azadîye ya Nobelî Desmond Tutu, pawitoxa heqanê merdiman a îranije Şîrîn Ebadî, temsîlkara haştîye ya Konseya Ewropa Bianca Jagger, ziwannas û fîlozof Noam Chomsky û wayîra xelata Sakharovî wekîla HDPyî Leyla Zana.

Westrheime: Ocalan Ganî Serbest Bêro Veradayene

Konferans de kurkdkî zî açarnayîş ame kerdene. Sereka EUTCCyî Prof. Dr. Kariane Westrheima norveçij a ke qiseykerdişê akerdişî kerd bale ante açarnayîşê kurdkî ser û vat no çîyêko zaf mihîm o. Westrheime hêrişê îşxalî yê dewleta tirke yê vera Rojawanî vist vîrî û vat no îşxal huqûqê mîyanneteweyî binpay keno, ganî Ewropa milê xo verê şantajê Tirkîya yê multecîyan de çewt nêkêro û vengê berz bikero. Werstrheime vat Rayberê Şarê Kurdî Abdullah Ocalan seba kurdan û Rojhelata Mîyanênî aktorêko girîng o û ganî sebest bêro veradayene.

Villumsen: Erdogan Bêhêz o

Grûba EUTCCyî ra Nikolaj Villumseno danîmarkayîjî zî qerarê PKKyî zaf muhîm hesibna û vat Erdogan xo sey bihêz ramojneno la o zaf bêhêz o. Hetê ekonomî ra pabesteyê Ewropa yo. Coka ganî hetê ekonomî ra şiro ey ser ke o çok bido.

Schieder: Rojawan Serkewtişêk o

Endamê Gruba Demokratan û Sosyalîstan Andreas Schiederî zî da pêhesnayene ke ey Rojawan zîyaret kerdo û vat Rojawna yew serkewtiş o.

Alfonsî: Ganî PKK Lîsteya Terorî ya Ewropa ra Bêro Vetene

Endamê Greens/EFA François Alfonsi yo fransayijî ard vîrî ke kurdî seserre yo semedê azadîye têkoşîn kenê û  xeyrê kurdan dinya DAÎŞî ra xelisyayî û vat ganî PKK lîsteya terorî ra bêro vetene.

Papadimoulis: Wa Vera Tirkîya Ambargo Bêro Caardene

Hetkarê serekî yê Parlamentoya Ewropa Dimitrios Papadimouliso yunanîstanijî vat Tirkîya rê hînî bes o ganî çeke zî tede Ewropa vera Tirkîya ambargo bêro caardene.

Badê panelê akerdişî panelê  ''Tirkîya de Teda û Xoverdayîş'' ame kerdene Panelo ke hetê Endamê EUTCCyî û akademîsyenê Zanîngehê Wageningenî ra ame îdarekerdene de parlamenteranê ewropayij, kurdîstanij û tirkîyayijan qisey kerd.

Biteau: Çimeyê Awe Herra Kurdan de yê

Endamê Greens/EFA Benoit Biteau yo ke derheqê pêkewtişanê serê çimeyanê cuyekî de qisey kerd vat çimeyê Awe Herra Kurdan de yê

Demîrele: Ganî Ewropa Vera Kerdişanê Tirkîya Bêveng Memano

Endama GUE/NGLî Ozleme Demîrel bale ante zextê îqtîdarî yê vera cinîyan û muxalefetî ser û vat Ewropa ganî bi ambardogan verê nê kerdişan bîgêro.

Îslam: Ez Mabênê Kurdan û Tirkan de Haştîye Wazena

Palamenterê Partîya Saadetî Cîhangîr îslîmî bale ante rewşa Tirkîya ser û vat problemê giranî estê. Ez mabênê kurdan û tirkan de haştîya mendî wazena.

Koçyigite: No Pêrodayîşê Ma yo

Parlamentera HDPyî Gulîstane Koçiyigit demê çareserîyê vist vîrî û vat ganî şarê kurd û tirkî bibo yew xoverdayîş gird bikerê û bi seferberîye seba ameyoxê tê bigêrê.

Panelo peyên ê roja verêne ya konferansî yo ke moderatorîya ci Prof. Dr. Cengîz Aktarî kerd de tekîlîya Tirkîya Yewîya Ewropa gerîyayî dest.

Schieder: Cayê Na Tirkîya Ewropa de Çîn o

Endamê Grûba Îttîfaqo Averşîyayeyî yê Sosyalîst û Demokratan Andreas Schiedero awusturyayijî derheqê muzakerayanê Tirkîya ê Yewîya Ewropa de qisey kerd û vat yewe Tirkîyaya winayêne cayê ci Ewropa de çîn o.

Fermon: Qerarê PKKyî Ewropa de Çîyêko Verên o

Avûkato belçîkayij Jan Fermon zî derheqê qerarê PKKyî de qisey kerd. Fermonî no qerar sey gamêka girînge name kerd û vat reya verên a ke Ewropa de wina yew qerar yeno girwtene. Bi nê qerarî perspektîfêko cîya yeno akerdene.

Uysale: Tecrîd Kaosê Rojhelatê MÎyanênî zî Xorî keno

Avûkata Buroyê Huqûqî yê Asrinî  Newroze Uysal derheqê tecrîdê Îmraliyî de qisey kerd û vat xorîkerdişê tecrîdê serê Rayberê Şarê Kurdî Abdullah Ocalanî û krîzê Rojheleta Mîyanênî giredayeyê yewbînan ê.

Konferan siba do mabênê saete 09.30 û 17.00î de dewam bikero.