24ê temmuze de serrgêra Peymana Lozanî de şaristanê Lozanî yê Swîsre de seba yewîya kurdan çalakîya rayraşîyayîşî do bêra kerdene. Dîwanê Hemserekîye yê Komelê Demokratîkî yê Kurdan ê Swîsre (CDK-S) eşkerayîyêka nuştekîye weşanaye û pare kerd ke çalakîye pê şîarê 'Vera îşxalê Tirkîya ma Kurdîstanî bipawê' bêra kerdene.

Eşkerayîye de dîya zanayene ke Kurdîstan pê Peymana Lozanî ame parçekerdene û a serre ra nata Kurdîstan tim maruzê hêrişan û îşxalî maneno.  Eşkerayîye de ame parekerdene ke kurdî do qetî Peymana Lozanî qebul nêkerê.
Eşkerayîye de venga pêro kurdan û dostanê înan ame dayene ke 24ê temmuze de tewrê çalakîye bibê. 

Çalakîye 24ê temmuze de saete 15.00 de Place de  la Ripone de do bêra kerdene.