Federasyonê Komelê Kurdan ê Demokratîkan ê Awusturya  (FEY-KOM) programê çalakîyanê Awusturya yê vera  Komployê 15ê Sibate yê vera Rayberê Şarê Kurdî Abdullah Ocalanî eşkera kerd.

Serrgêra 22. yê Komployê Mîyanneteweyî yê 15ê Sibate de Awusturya de bi şîarê Ma komployî xo vîr a mekerê û medê vîrakerdene mabanê 1-15ê sibate de do çalakîyî bêrê kerdene.

FEY-KOMî programê çalakîyan eşkera kerd û semedê tewrbîyayîşî veng da  da kurdan û dostanê înan.

Programê çalakîyan wîna yo:

6ê sibate de Vîyane de do standê îmzayan bêro akerdene.

12ê sibate de mabênê St. Poltenî û Vîyane de saete 14î ra heta 17 do pê 50 wesayîtan konvoy bêro kerdene.

13ê sibate de Viyana de 15 de do Menschenrechten platz de saete 15:00 de rayraşîyayîş bêro kerdene û eynî roje Graz, Linz û Innsbruck de mîtîngî bêrê kerdene.

14ê sibate de merkezê Viyana de Schwarzenbergerplatzî ra heta Heldenplatzî do turê bîsîkletî bêro kerdene.

15ê sibate de Christian Brodaplatzê Viyana de saete 17:00 de do rayraşîyayîşo bi meşale bêro kerdene. Reyna heme merkezanê komelî de do Neteweyanê Yewbîyayan rê mektubî bêrê şawitene.