Şaristananê Friedrichshafen û Frankfurtî yê Almanya de bi merasîman qurbanê Qirkerdişanê Mereş û Roboskî ameyî yadkerdene.

Friedrichshafen de merasîmê yadkerdişî bi deqayêkê rêzgirewtişî dest pêkerd. Qiseykerdişan de ame vatene ke ganî şarê kurdî dejanê verênan ra dersan bigêro û rêxistinîya xo xurtêr bikera. Merasîm de derheqê wird qirkerdişan de sînevîzyon ame mojnayene. 

Frankfurtî de zî Merkezê Komelê Demokratîkî yê Kurdan de merasîm ame kerdene. Merasîm de ame vatene ke qirkerdişê vera kurdan dewam keno û bale ameye antene hêrişanê vera Şorişê Rojawanî ser. Merasîm de seba paştdayîşê bi Rojawanî veng dîya.