Paytextê Almanya Berlin de 33 roşnvîr, nuştox û hunermendê ke 2ê temmuza 1993yî de Otêla Madimakî ya Sêwasî de ameyî qirkerdene. Merasîmê yadkerdişî Cemxaneyê Berlinî de, bi beşdarîya dezgeh û rêxistinanê elewîyan û kurdan ame kerdene.

Serekê Cemxaneyê Berlinî Yuksel Ozdemîrî yadkerdiş de qisey kerd û pare kerd ke ganî Otêla Madimakî biba muzeyê şermî.

Wekîlê Eyaletê Berlinî yê Die Linke Ferat Koçak zî îfade kerd ke ê tradîsyonê Seyîd Riza û Sakîne Cansizan ra yenê û têkoşînê înan rê dewam kenê. Koçake vat: ''Ma ganî vengê xo zêdêr berz bikerê û bibê yew.''

Şaredara Berlinî Kreuzberg-Friedrichsein Carla Hermann zî merasîm de qisey kerd û qurbanî yad kerdî.

Merasîm de lorîkî ameyî vatene û Koma Canlar a Dêrsimî semah gêraye.